MIND42: buru-mapak taldean egiteko SW librea

Abenduan buru-mapa ikastaroa eman genuen UEUren eskutik Eibarren.

Eskuz jarduteaz gain ordenagailuak ere erabili genituen. XMind bakarka aritzeko eta Mind42 aldi berean taldean buru-mapa egiteko, kolaboratiboa esaten omen zaio horri.

Hemen behean "Gorakada Kutxa" gorakada beharrean garenean zabaldu ahal izateko! Eta hemen beste tailer batean egindakoa, umore kutxa izenez, kontzeptu berdina. Ordu erdi  eskas eman genuen honetan, bertan ginen hamartxu lagunok, batzuek etxean pentsatutako ideiak ere paperean zituztela.



Mind42-k abantaila batzuk baditu, bai horixe!

• aldi berean munduko bazterretan dauden taldekideek eskema bardinean lan egin ahal izatea. 
• online dabil eta ez da inongo programarik instalatu  behar.
• software librea da
• Irudiak txertatzeko erreztasun handia ematen du, Google, Yahoo zein Flickr-etik aukeratuz

Zulo nabermanak ere baditu, programa honek... biba inperfekzioa :-)!

• maparen erdigunean ezin irudirik txertatzea , eta hori garrantzitsua da buru-mapak egitean, erdiguneko irudia bereziki erakargarria eta adierazgarria izan behar baita
• editatzeko aukerak mugatuagoak dira
• ez du modurik eskaintzen adarren arteko erlazio-gezirik jartzeko...
• taldean jardutean noraino eusten du? 10 lagun inguru ginen aldi berean mapa berdinean lanean eta sarri gertatu ziren deskonexioak gainkargaz edo?

Dena den aholkagarria, betiere pentsamendu irradiakorra islatzeko tresna delako, ideien anabasari ordena eransteko tresna, eta sw librea izanik elkarlanerako parada egokia ematen duelako.

Ondo bizi!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)

www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com   
http://www.bilbohiria.com/gaika/berbaz   (irrati elkarrizketak)

UMORE-KUTXA: talde-buru-mapa

Lehengo egunean buru-mapei buruzko sarrera ikastaroko part-hartzaeileek egindako buru-mapa duzu hor azpian. 

Gaia: UMORE-KUTXA: zer sartuko dugu umore-kutxan? 

Beheraldian gaudenean zabaldu eta animoa apur bat igotzeko zer?

Esker mila, Saioa Leguinagoicoa, graphic recorder zereginetan primerakoa izateaz gain argazkilari bikaina, berriz ere! 

Ariketa egiteko prozedura hau proposatu genuen. 

• Ordu erdi baten banakako buru-mapa egin.
• Beste ordu erdi baten, guztiona bilduko duen egitura asmatu eta hasi kutxa betetzen.

Lehenago MIND42 software libreaz ere antzeko ariketari ekin genion. Hemen duzu ikusgai guztiak aldi berean landutako buru-mapatxoa (ordu laurden inguruan).

http://mind42.com/pub/mindmap?mid=3d23fae2-9e19-4322-93f1-639827973e9c&rel=url

Buzan anaiek, "The mind map book" liburuan prozedura zehatzagoa proposatzen dute, aldi bitan egiteko eta tartean ideiak bakoitzaren buruan bermoldatzeko eta sortzeko inkubazio aldi bat eskatuz.

Goiko hori da bost lagunen artean ordubete inguruan lortutako emaitza.

Buru-maparen egitura irekiak talde-lana integratzailea errazten du, beti irekia dagoelako edozein kideren ideiak adar nagusi moduan edo azpi-adar moduan txertatzeko.

Azkenean banakako garunetik talde-garunera egiten dugu horrela, pentsamolde aberatsago batera, osoago batera.

post-oharra: 2011ko abenduan beste tailer batean kontzeptu bardina landu dugu, ordenagailuz oraingoan, Mind42 programa librea baliatuz. Lotura horretan, ordukoari buruzko lerro batzuk.

Ondo bizi,...bakarka zein taldeka :-)!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)

www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com    http://www.bilbohiria.com/gaika/berbaz

Arauak eta desarauak

Aurreko egun baten ikastaroa ematen ari ginela ariketa proposatu genuen: "hartu 20´egunkaria-2011-XI-21ekoa, Espainiako hautes kundeetako biharamonekoa- 15 albiste aukeratu eta buru-maparatu". Goiko hori han hasitako buru-mapatxoa dugu eta arauei buruzko zertzelada batzutarako oina ematen digu...

Buru-mapak egiteko arauak proposatzen dituzte Buzan anaiek "The mind mapping book" liburuan, baina argi uzten dabe ere arau horietako edozein jolasgai erabili dezakegula komkeni zaigun eran.

Esaterako, adarrak eta azpi-adarrak (lodieraz fintzen direnak enfasia adieraziz, mapa honen eskumaldeko adar berde eta moreak legez kurbatura leun batez egitea proposatzen dabe, forma atseginagoa zaigulako (jaio aurreko umetokia, arkupe gotikoak,...).

Eskumaldeko adarrak, ostera, desaraututa egin ditugu.

• Grisa, ke itxuraz, hain zuzen KEA (ezer gehitzen ez duen "albistea" adierazteko eta beraz, mapa gure izaeraz/iritziz kargatuz). Plus itxurako adar gorriak erdian "=" ikur berdea du. Adar itxura horrekin más de lo mismo esan nahi dugu, hau da, ziklikoki errepikatzen diren "albisteak".
• Irudien/ikurren adierazkortasunaz: adibide ugari daude mapatxo honetan. masdelomismo adarrean, Raxoi musu-beroaren irudi azpian biribil urdina-gorriak zera adierazi nahi du, esaterako: PP nabarmen nagusi izan zela, gorakada handiaz, eta PSOEk ostera beheraka egin duela itzel. 

Testua ahalik eta argien,  fotografikoa egin behar genuke. Ahalik eta arinen sar dadila begi-garunetan.UHOLDEAK testua kasu.

Are indartsuagoa, testua eta irudiaren arteko ezkontza. CLEMBUTEROL horrekin egin dugun moduan, ziklismoan barriro ere kelnbuterolezko doping kasuak agertu direla esateko...

Badira arauei buruzko aipagarri gehiago adibide honetan,... eta nahi duzunean berba egingo dugu horretaz,...

Ondo-ondo bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)

www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com    http://www.bilbohiria.com/gaika/berbaz

IKASTARO LABUR BATERAKO PRESTATZEN...

Buru-mapak euskarazko idatzizko frogetan lagungarri? Nola?

Galdera horiei erantzuten saiatu gara ordu bi eta erdiko saioan IRALEren Bilboko egoitzan.

Publikoa: euskara frogetarako prestatzen ari diren institutoetako irakasleak eta. Oso irekiak eta parte hartzeko gogotsu.

Aurreko baten ere han izan ginen, eta lerro hauek eman zituen ikastaro hark, buru-mapa arinak nola egin proposatuz.

Orain, ikastaro labur baterako oinarrizko materialak zerrendatuko ditugu. Zertarako? Orden apur bat jartze hutsagatik. Hurrengo baten hemen bilatuta errezago aurkituko dugulakoa, hori besterik ez,.. :-)!

• Espazioa: aulkiak/mahaiak biribilean edo U- itxuran, mugitzeko modukoak
• Ordenagailua XMind programaz eta internet konexioaz eta proiektorea
• A-4 orriak eta paper itsasgarriak (post it edo), artaziak eta zeloa
• Aurreko azterketetan galdetutako gai batzuk, ariketak egiteko
• Koloretako errotulkiak (lodiera bikoitzekoa, Carioca Birello ezagutzen ditut, balekoak)

Ondo bizi!

Eleder BuM31
Buru-mapak-Open Space Technology-Sormena

http://www.burumapak.blogspot.com (eus)   @Eleder_BuM  (Twitter)
http://www.in-fluyendo.blogspot.com (esp) http://www.flowandshow.blogspot.com

http://bm31-liburuak.blogspot.com

http://www.bilbohiria.com/gaika/berbaz 

Buru-mapak: sarrera IKASTAROA Hobetuz programan

HOBETUZ programaren barne 7 orduko sarrera-ikastaroa ematekoak gara buru-mapak gai hartuta, UEUren eskutik. Matrikula: 0 €.

Eibarren, abenduaren 22an eta  29an 17:00-20:30 artean.

Langabetuentzako aukera berezia (parte-hartzaileen %20 langabezian izan behar da). Hamabost lagunek osatutako taldea itxita dagoeneko.

Hemen UEUren orrian informazio gehigarria.

Badakizu, burua aberasteko, EGIN MAP (RADIOKULTURAN egindako erreportaje polita :-)!

Izan untsa,

Eleder BuM31    
Buru-mapak-Open Space Technology-Sormena

http://www.burumapak.blogspot.com/ (eus)   @Eleder_BuM  (Twitter)
http://www.in-fluyendo.blogspot.com/ (esp) http://www.flowandshow.blogspot.com/

http://bm31-liburuak.blogspot.com%20/   

http://www.bilbohiria.com/gaika/berbaz 

BARNE ETA KANPO: buru-mapak ikastaro bi asteon; bat online

Gaur goizean publikoki irakurri behar genuen eta publikoki irakurri dugu. Zer? Bizkaiko Foru Aldundian Antolaketa Teknikarientzako oposizioa zegoen deituta. Izena eman eta parte hartu dugu. Zertarako? Batez ere, publiko egiteko oposizio ustela dela oraingo hau ere. Esaterako, 2011 hasieran argitaratu dira oposizioko oinarriak eta gaiak, baina 2010eko udan, jada, www.funtziona.blogspot.com blogean argitara emanak ziren...

Eta horrelakoak gertatzen dira, eta ezin isilik egon,...

Udazkenarekin jarduera ohikora doa. Bihar hasi behar dugu GARATU programaren barne buru-mapei buruzko 30 orduko ikastaroa. ON-LINE lehenegoz. EDE Fundazioko Itziar Kerexetaren laguntza itzelaz Moodle ikasten ari gara... . Ostegunean IRALEn euskara hobetzen ari diren irakasleekin, buru-mapak ahozko frogak prestatzeko zelan erabili ditzakegun aztertzeko,...

Irakasteari esker ikasten dugu gehiago.

Orain ikastaro hauen prestaketak esploratzera narama. Buru-mapak egiteko arauak sarean osorik (non) ote dauden... Ez dut hori aurkitu, baina esplorazioak bideo hau ekarri dit opari.

Segi esploratzen :-)!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com    http://www.bilbohiria.com/gaika/berbaz 

HEDABIDEETAN BURU-MAPAK eta SORMENA GAI HARTUTA (2011 artekoen bilduma ez-osoa)

Pello Arginarenak deitu gaur Euskal Herria irratitik: UEUren bitartez Nafarroan ematekoak ditugun ikastaroen aitxakitan irratian saio batzuk egingo ditugu, buru-mapak gai hartuta.

Lehenago azken urteotan hedabideotan egindakoen bilduma egiteko parada egokia. Hona hemen arineketan egindako zerrenda ez-osoa... 
Zer berri esan dezakegu?

IRRATI-TBetan BURU-MAPAGINTZAZ:

2010eko uda: Baionan buru-mapei buruzko ikastarotxoa duela aste pare bat. Han prentsa arduragaz dabilen Maider Gogorzak: "Beñatek ikastaroan parte hartu nahi eta  Radiokulturako agalderak egin gura,...". "Ederto, aurrera!". Oso interesatua bera eta galdera sakonak, buru-mapak eta sormena gai hartuta.

Erreportaje polit hau paratu dute Radiokulturako lagunek. Ordu laurdena-edo.

(Esker mil-asko, Maider, Beñat eta ingurukoak!)

2009ko neguan ETB3ko NICK DUT NIKen:
http://burumapak.blogspot.com/2009/11/telebistan-buru-mapei-buruz.html


2009ko negua?: IROLA IRRATIAN oso elkarrizketa atsegina egin ziguten gabon aldian, buru-mapak, sormena eta espazio irekia gai hartuta,... ardau barik, baina kopla batzuk botata amaitu ere saio hura :-)! Eskerrik asko Iepa eta Sabin, gonbite ederra!

2009ko udazkena, gazteleraz, TAS-TAS: 
En puertas de las jornadas Bilbao Open Day 09 se me sugirió en el colectivo ALD (arte libre digital) ir a la radio Tas-Tas Irrati Librea de Bilbao. En principio iba a venir también otro colega que andaba en la organización del BOD 09, pero, con el lío de tareas tan grande que había, al final me tocó a mí hablar acerca de cultura libre,... algo sobre lo que poco puedo decir y mucho puedo errar ;-).

Al grano: también pude explayarme sobre lo que me gusta, y fruto del interés genuino de Gorka Andraka, salió la siguiente entrevista.

No suelo escuchar la radio por ordenador, así que dudo que escuche la entrevista (AQUÍ la tienes, grabada el 19-XI-09) yo mismo. Ya me dirás, pues, si mereció! 

2009ko uda:  Ikastaro horiei lotuta irratietan berbaz ibili gara azken aldian (Bizkaia Irratian; kolaboratzaile gisa BERBAZ saioa egin ohi dugun Bilbo Hiria Irratian, Sormena Espazio Irekian ikastaroa gai hartuta; Belaixe Irratian; eta Euskadi Irratian, buru-mapei eta espazio irekiari buruz).

Bestalde, UEUko Udako Ikastaroetako prentsa lanetan ari den Amaia Ugalderekin bi aldiz izan gara berbetan UDAROrako, ikastaro bakoitzaren (Sormena Espazio Irekian eta Buru-mapak) harira. Elkarrizketa bi horietakoak blog honetara ekarriko ditugu laster.

2009an Euskadi Irratiko Edurne Ayusok eta erreportaje ederra osatu zuten Josu Torre eta neronen hitzen laguntzaz. Hori bai, hemen entzungai.

2009: Orain aste bi ere Mieltxo Monfortekin izan ginen Bilbo Hiria Irratian buru-mapei buruz mintzatzen. Hemen orduko elkarrizketa hura entzungai.

...eta hemen 9 puntukoa...http://burumapak.blogspot.com/2010/07/buru-mapak-9-puntutan.html

TESTUAK buru-mapagintzaz:
2010eko udan UDAROn, buru-mapei buruz:
http://burumapak.blogspot.com/2010/07/elkarrizketa-sormena-eta-memorizazioa.html

2009ko udan Buru-mapei buruz, UDAROn: http://burumapak.blogspot.com/2009/07/ideiak-modu-ireki-baten-antolatzeak.html
ZER ETA ZERTARAKO BURUMAPAK? (artikulotxoa, Administrazio Euskaraz aldizkarirako, 2010)

ESPAZIO IREKIAZ
2011ko udan:
Hemen Berriak uztailaren 8an argitaratutakoa: http://t.co/rKjwqP6

Pasa den astean burutu zuten Donostian, HikHasik antolatuta. Ikastaroan eskolaren papera jarri dute kolokan, edo hobe esanda, ”kolokan jarraitzen du” Eleder Aurtenetxe ikastaro horren bideratzaileak komentatu digunez. Elederrek bere biziko garrantzia eman dio erabilitako metodologiari, Espazio Irekia izeneko ari alegia.

Bilbo Hiria irratiko webgunean jarritako testua da goiko hori. Aurreko astean Donostian egun bi eta erdiko Espazio Irekiaren inguruko solasaldia izan dugu gaur bertan. Hemen elkarrizketa entzungai eta deskargagai: http://www.bilbohiria.com/web/10668. Esker mila, Bilbo Hiria Irratiko lagunak!

2009ko udan, sormena eta espazio irekiaz, UDAROn testua:
http://burumapak.blogspot.com/2009/07/amaia-ugalde-elkarrizketa-2009-6-29an.html

2009ko udan Diario Vascon, espazio irekiari buruz:
http://www.diariovasco.com/20090702/bajo-deba/aurtenetxe-debates-abiertos-consiguen-20090702.html

ondo bizi!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com   
http://www.bilbohiria.com/gaika/berbaz 

GAMESTORMING & DOODLING ikastaroa SUNNI BROWNek BILBON: irailaren 22+23an

Hilabeteak ideia honi heldu genionetik eta hamar egun (irailak 22 eta 23an) barru bertan dogu, Bilbon. EUTOKIArekin elkarlanean SUNNI BROWN (http://sunnibrown.com , Europa hegoaldean eman behar duen ikastaro bakarrean) GAMESTORMING &DOODLING REVOLUTION ikastaroa emateko, pentsamendu bisuala eta lantokirako sormen-jolasak

NOR DA SUNNI BROWN?

Ekintzaielea, sormen-zuzendaria, hizlaria eta GAMESTORMING: a Playbook for Rule-breakers, Innovators and Changemakers; liburu arrakastatsuaren egilekidea; Fast Company 100 Most Creative People in Business, zerrendan 56.... eta The Doodle Revolution delakoaren sustatzailea 
Sunni Browni buruzko INFO + ; bideoak: Gamestorming eta The Doodle Revolution

NORI ZUZENDUA TAILERRA?

• Antolakundeetako buruak; talde- eta proiektu buruak,...
• Kontsultoreak, trebatzaileak, hezitzaileak,...
• Fazilitadoreak, fazilitadore grafikoak, graphic recorder-ak
• Sormen, pentsamendu bisual eta talde-gidaritza arloetan ari direnak
  
• Ikasleak, ekintzaileak
• Arte- eta marrazketa-dohaiak lan-munduratzen dituztenak

TAILERRAREN ORIENTAZIOA:

Sunni Brownek praktikara bideratutako tailer honetan talde-lana sormen jolasen laguntzaz hobetzen lagunduko digu, bai eta alde askotariko taldeen barruko komunikazioa eta lankidetza hobetzen;  pentsamendu bisuala ; rol-jokoen bitartez ulermena hobetzen; ideia gehiago eta hobeak inoiz baino arinago sortzen, eta bilerak laburragoak eta eraginkorragoak izaten , sistema konplexuak simulatu eta ikertzen,...

Doodling iraultzari (argitara ekartzear duen 2. liburuaren muina) buruzko ideiak eta asmoak ere konpartituko ditu eta zirriborroak egiten eta hobeto adierazten ikasiko dugu beraz.

Hizkuntzak:  Sunni Brownek ingelesez egingo du eta antolatzaileok euskara eta gazteleraz lagunduko dugu ondo ulertzen

Noiz? Irailaren 22 eta 23 an
Non? EUTOKIAN (Bilbo)

Izen-emateak: Ostiralerako...malgu (2011-IX-16) info@eutokia.org

Ordutegia: 09:00-14:00 eta 16:00-18:00 (14 ordu)
Prezioa: 250,00€ (ikasleak, langabetuak, autonomoak,...) – 400,00€ (antolakundeak)

Aukera ederra, Hego Europan bakarra, profitatu eta jakinarazi!

 

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

KRAKALDIRAKO "KIT"a Espazio Irekirako (uzt 21) gonbidapena

Nola prestatuko dugu KIT on bat KRAKaldi honi aurre egiteko? Zein jakintza, desira, tresna edo beharrizan eskain diezaiokezu komunitateari?

http://www.kitkrak.org

Garai nahasiak bizi ditugu, mundu mailako krak momentua, non krisi ekonomikoaren aitzakiapean, baloreen eta eredu kultural, sozial eta politikoaren krisi sakona ezkutatzen den. Krisi honen itzalpean gero eta jende gehiagok uste du aldaketa beharrezkoa eta posiblea dela.

Etorkizuneko aukera xumeak, baina era berean, iraunkorrak eta bateratzaileak, elkarrekin proposatzeko garaiak dira: sareko lana, do it yourself eta do it together; kultura askea, etika feminista, etika solidarioa, permakultura, hazkundea geratzea eta guztien ongiarekiko konpromisoa eta erantzukizuna. Ideiak, kezkak eta proposamenak partekatzeko garaia... Jakintzez, desirez, tresnez edo norberaren beharrez osatutako KITak, denen artean benetako aldaketa baten alde lan egin ahal izateko.

Egoera honetan, KIT-KRAK-etik Open Space izeneko ekimenera gonbidatu nahi zaitugu. Autoantolakuntzan oinarritzen den eta sormena eta emaitza onak sustatzeko aukera ematen digun eztabaidarako metodoa da. Kezkatzen gaituzten gai guztiak landuko ditugu eta ideia guztiak amakomunean jartzeko aukera izango dugu. Jardunaldia bukatzean, elkarrekin landutako ideien dokumentua izango dugu.
                           
Gai honen inguruan hitz egiteko eta eztabaidatzeko denbora hartu nahi dugu, ez baikara normalean horrelako kontuez gehiegi arduratzen. Gaur egungo eredu sozial, ekonomiko eta politikoari buruzko analisi kritikotik, etorkizuneko aukerak irudikatu eta asmatzeko proposamen-sorkuntzara pasa nahi dugu, beti ere talde-lanean eta elkarri lagunduz. Aukera ezin hobea jende desberdina elkartu eta nahasteko, mugak gainditzeko, jarioa ahalbideratzeko, gure amets eraldatzaileak sortzeko eta aurrera eramateko.

Open Space ekimena uztailak 21ean (osteguna) izango da 10:30etik 18:00etara (baina metodologia irekia izango denez, ez da zertan denbora guztian bertan egon behar), Bilboko ZAWPen (Deustuko Erribera 47, behea, info+: http://www.zawpbilbao.com).
Ekimenaren dinamikan laguntzeko Eleder Aurtenetxe izango da gurekin (http://in-fluyendo.blogspot.com). Han bertan bazkalduko dugu paella eder bat. Etortzekoak bazarete, konfirma ezazue uztailaren 19a (asteartea) baino lehen, prestatze-lanak errazteko. Bidal iezaguzu mail bat helbide honetara info@kitkrak.org  edo deitu telefono zenbaki honetara: 944 158 861

Beroketa-ariketekin hasteko, hona hemen hainbat galdera: Zeintzuk dira gaur egungo gizartean aldatuko genituzkeen gauzak? Ba al duzu proposamen zehatzik? Lehentasunen mapa egiteak merezi al du? Zer egin dezakegu eta zer ez dugu egin nahi? Nola kudeatuko ditugu ondoren eremu huts horiek?Nola ekin dezakegu gure txikitasunetik agertoki honetan? Zer aldatu behar dugu gure baitan bertan? Nola desikasiko ditugu orain arte ikasi ditugun patroi indibidual zein kolektiboak?

Zeintzuk dira beste lekuei eta garaiei buruz ditugun erreferentziak? Ba al dira ereduak hau guztia aurrera eramateko? Aplika al daitezke gaur egungo gure testuinguruan?Nola lortuko dugu gure kontraesanak, geldiarazi beharrean, aldaketarako hazi izan daitezen?Nola mantenduko eta elikatuko ditugu aldaketarako itxaropena eta ilusioa? Nola garatuko genuke ekintza eraginkorra eta dibertigarria? Nola sortuko ditugu energia anplifikadoreak Bilbon?..... Makina bat galdera eta oraingoz, oso erantzun gutxi.

Uztailak 21ean ikusiko dugu elkar!
ANIMA ZAITEZ
________________________________________________________________________________________

KIT-KRAK udako auzolandegia da. Bilboko ZAWPen egingo da, uztailaren 18a eta 29a bitartean eta ColaBoraBora-k antolatzen du. Helburua gizarte berria (ez da gutxi!) prototipatzea da. Hainbat jakintzaz, desiraz, tresnaz eta beharrez osatutako KITak dakartzaten pertsonak bildu eta talde-lanaren bitartez eta elkarri lagunduz, gaur egungo KRAK egoera honi aurre egingo dioten aukerak proposatuko ditugu.

KIT-KRAK ekimena Colaboradora-k gizarte berrikuntzarako EUTOKIA zentroan duen ekintza-programazioan kokatzen da. Eusko Jaurlaritzako Kultura Saileko Gazteria Zuzendaritzaren Nazioarteko Auzolandegien AUZOLANDEGIAK 2011 Programaren barnean dago eta Lan Ekintza, ZAWP Bilbao-ren laguntza jasotzen du.

Open Space ekimenaz gain, KIT-KRAK-en hitzaldiak ere izango ditugu eta bertan parte hartzera animatzen zaitugu:

Uztailak 19, asteartea: 18:30etik 20:30era.
- Economía feminista, Begoña Pecharromán. Co-directora de Farapi
- Decrecimiento y ciudades en transición, Desazkundea
 
Uztailak 20, asteazkena: 18:30etik 20:30era.
- Territorio, ciudad y creatividad, Adolfo Chautón, de Exterrae
- Retrospectiva del movimiento 15M, Personas involucradas desde el contexto local.

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

HEZKUNTZA MUNDUAN ESPAZIOA IREKITZEN: hedabideetakoak

Zorionekoak gu Hik Hasiko jendearekiko harremana dela eta. Hari esker lehenegoz izan gara egun bi eta erdiko Espazio Irekikoa (hemen elkarlanean idatzi genuen gonbidapena) en eginda, behar den bezala, beinke :-)!

Gure balorazioa egiteko asti gutxi orain, baina horra hedabideetan agertutako ale bi:

Hemen Berriak uztailaren 8an argitaratutakoa: http://t.co/rKjwqP6

Pasa den astean burutu zuten Donostian, HikHasik antolatuta. Ikastaroan eskolaren papera jarri dute kolokan, edo hobe esanda, ”kolokan jarraitzen du” Eleder Aurtenetxe ikastaro horren bideratzaileak komentatu digunez. Elederrek bere biziko garrantzia eman dio erabilitako metodologiari, Espazio Irekia izeneko ari alegia.

Bilbo Hiria irratiko webgunean jarritako testua da goiko hori. Aurreko astean Donostian egun bi eta erdiko Espazio Irekiaren inguruko solasaldia izan dugu gaur bertan. Hemen elkarrizketa entzungai eta deskargagai: http://www.bilbohiria.com/web/10668. Esker mila, Bilbo Hiria Irratiko lagunak!

Ondo bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

ESPAZIOA ITXI-IRIKITEN

RETOS sarearentzat espazioa irekitzen izan ginen ekainaren 2an. Egun erdikoaren bukaera moduan, parte hartzaileei galdetu genien: gaurkoak zer ekin-nahi piztu du zugan? Hamar erantzun inguru batu genituen idatziz eta haien adierazgarri da hor goiko buru-mapa hori

Uros bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

AZKEN ORDUKOA

Ikastaroa interesgarria (Cómo desarrollar la actitud innovadora y su puesta en acción). Rosana Agudok TTIko jende arretatsuaren laguntzaz argi asko eta galdera ugari piztu zaizkigu ikastaroan zehar. Proiektu bat landu behar genuen eta "powerpoint" bidez hura aurkezteko eskatua ziguten...

Proiektuaren gaia ebazten kosta, beste zeregin batzuetan  ibili eta lan honi asti nahikorik eman ez, ikastaroa on-line tartean garatu eta guk horrako joera eskasa,... azken eguna heldu da eta ikaskideak han ari dira euren proiektuak aurkezten, euren asmoei etailusioei buruzko kontuak ateratzen, eta horrek aberastu egiten du, jakina, ikastaroa.... Eta ni han lotsa-lotsa eginda, inongo powerpointik ez dudalako landu...

Buru-mapa bat egiteari ekin diot. Orain lanari dagokionean zertan nabilen adierazteko. Nigandik ere zerbait jaso dezaten ikaskideek. Ordu bat edo eman dut horretan, eskaneatu, eta berau aurkezteko 5 minutu utzi dizkidate TTIkoek, ezin jatorrago.... Arnasa hartu dut, eta argi izpiren bat ere, espero dut, Rosana Agudok proposatzen duen buru-moldeak irekitzeko prozesuan lagungarri izan baitaitezke bai buru-mapak bai Espazio Irekia.

Hori uste dugu, behintzat :o)!

Ondo bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

BURU-MAPA BATEN ISTORIOTXOAK eta IKUSPEGI KOMUNITARIOA

Duela urtebete edo, Berlinen izan ginen Espazio Irekiko mundu mailako aditu eta aleen urteroko topaketan (WOSONOS: world open space on open space. 2011koa Txilen izatekoa, eta antolaketa taldean bertan bizi dan Pablo Villoch laguna ere bai).

Handik oso argi ekarri nuen espazioa irekitzen jardun nahi nuela etorkizunean. Praktika moduan egitea proposatu nion EDEko jendeari... eta apirilaren 6an, Bizkaiko Hirugarren Sektorearen Behatokiko Raúl Castillorekiko elkar-lanean Espazio Irekiko egunbetekoa bizi genuen. 40 lagun inguru bildu ginen gai honen harira: Nola txerta daiteke ikuspegi komunitarioa gizarte indibidualizatu baten?

Enkargua biribiltzeko, han jasotako aktak irakurri eta buru-maparatzea hartu nuen nire gain.

Eta goiko irudi horretara heldu gara, (noizbait esan behar eta...:-) kito! esan orduko. Jarraian enkarguaren  osteko balantzean zifrak eta iruzkin batzuk:

1. Zifra batzuk jarraian:

• Denbora:  testuak (14 bileretako aktak) irakurtzen, azpimarratzen, berrirakurtzen eta lehenengo zirriborroa egiten: 10 ordu  +++  kolorezko buru-mapa osatzen: 5 ordu
  

• Jatorrizko testuaren luzera: 20 orrialde inguru.
• Buru-maparen tamaina: DIN A3. 

2. Iruzkinak: Kosta egin zait lan honetan zentratzen (astebeteko atzerapena esandako epetik, epea malgua zen arren)... Buru-mapak egiten poz-pozik ibili arren...zergatik?  laburtutako txosten horien jatorri izan zen ekitaldiaren ostekoa zelako, idatzi horiekiko distantzia emozionala, buru-mapak niretzat ez beste inorentzat zerbait aportatuko ote zuen zalantzagatik, atxikimendu bizi-bizirik gabeko enkargu amateurra zelako, eta azken egunotan eguraldi ederra izan eta beste gauza asko egiteko gogoa bizi-bizi dugulako ere bai, zertarako uka?

Baina hori esanda, egiteko prozesua niretzat ere aberasgarria izan da, prozesu beragatik eta edukiak finlkatu ditudalako. Honelako enkargu bati heltzen diodan lehenengo aldia da hau.

Bide batez, hasi gara itsasoan bainatzen?

Dzanga bizkor uretara, inertziaz, sobera eta ezer onetarako ez egin ohi ditugun lanak alde batera utzita :-)!!!

 Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

CARING FOR A HUMAN: Tony Buzanen buru-mapa bat

Astiro begiratzekoa, teknikagatik eta edukiagatik, Tony Buzanek egindako buru-mapa hori. Iturria: http://www.mindmapart.com/caring-for-a-human-mind-map-tony-buzan .  

Tony Buzan bera da "The mind map book" liburuaren egilea eta bertan proposatzen du Barry anaiarekin batera penstamendu eta sormen teknika hau zehaztasun handiz.

Ondo bizi!

 Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

BURU-MAPAK, idatzizko azterketetan lagungarri?

Aurrekoan IRALEn izan gara ikastaro-express bat ematen. Buru-mapak erabili euskara azterketetan agindu ohi diren idazlan horietarako. Idazteko gaia jaso eta 5 minututan di-da eskematxo bat egitea lagungarri izan ohi da idatz-jario aberats eta antolatua ekartzeko. Ariketa batzuk egiten ibili gara eta jardun horretan ari garela honako proezesu hau atera zaigu. Idazlanak arin egin behar lituzkeenarentzat lagungarri ote?

1. Kantitatea eta egitura: ideiak bizkor askatzea (datozen moduan bota behar ditugu suelto, bizkor, bildur eta lotsa barik,... )

Hor agertuko dira: adar nagusiak; azpi adarrak, adibideak,... Hau da, datozen heinean egitura osatuz joango gara. Eskemaratzeko modua:

• gako-hitzak soilik (hitz bakarra, adar/azpi-adar bakoitzeko);
• laburdurak erabili; ikurrak etorri zaizkizu? arin iruditu eta aurrera!
• egitura: testuaren hasiera eta bukaera (horiek biak ondo zaintzea komeni izaten da, irakurlearengan indartsu geratzen direlako) eta beste 3-4 adar nagusi.

2. BM errepasatu eta bertan, beste kolore bat/batzuk erabilita...

-egitura egokitu: ziur aski idatzi izan ditugun adar-azpiadarretan aldaketa batzuk bururatu zaizkigu, testua argiagoa eta adierazgarriagoa izan dadin. Beharbada, hiru adar nagusi genituen, baina guztiak adar nagusiago baten pean jartzea komeni litzateke,...

- sekuentziak adierazi (1, 2, 3, 4, 5, ...) zer ordenetan idatzi behar ditugu ideiok?

- hizkuntza aldetiko inspirazioak: euskaraz adierazterakoan zer hitz/esamolde,... etorri zaigu burura eskema errepasatzean? Horiek hitzez hitz edo laburtuta idatzi, eskeman, gero ahaztu ez egiteko

- asoziazioak: mutur urrunetan dauden ideiak elkarri lotu BMn, gezien, ikurren edo koloreen bitartez

Horrelako trantze bat pasatu behar duenarentzat balioko ahal du honek ;-)!

Eleder  
BuM31    Mild Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)  www.flowandshow.blogspot.com  (eng)
www.bilbohiria.com/gaika/berbaz (irratiko saioa)

NOTAK HARTZEN

Ostiralean lan-bilera izan genuen. Hemen orduko buru-maoa. Gero eta erosoago egiten zait bat-batean buru-mapa itxuran notak hartzea. Praktika kontua.

4 koloretako bloigrafoa lagungarri izaten zait honelakoetarako. Egitura erradialaren abantailak nabarmenak dira. Gako-hitzak soilik idaztea: ahloku xumea eta itzel lagungarria. Berdin ikurtxoak eta marrazkiak erabiltzea.

Eta berrikusterakoan arin baten harrapatuko ditut bilera hartako hizpideak, konturik garrantzitsuenak, nire zereginak,...

 Pentsamendu irradiakorra gero eta barneratuagoa eta buru-mapak osatzea gero eta berez-berezago...

 Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

IKASTARO BAT PRESTATZEKO BURU-MAPA

Aurreko asteotan  buru-mapagintzarako sarrera ikastaroa izan dugu Bizkaiko Foru Aldundian.
Ikastaroa prestatzeko eta etorritakoei plana azaltzeko buru-mapa bat egin genuen. Laster berriro izango ditugu antzeko ikastaro batzuk eta irudi honi esker bi gauza gutxienez bai:

• konfiantza dugu xehetasun dexente bildu ditugulako (sarreran zer bota behar dugun, zer ariketa egin ditzakegun, softwareari buruz zer eta nola kontatu, ikastaroan zehar erakutsi nahi ditugun eta jarri ditzakegun bideo batzuk,...)
• denbora labur bat beharko dugu hurrengo ikastaroa prestatzeko eta ezer garrrantzitsurik ahaztu barik hobeto ateratzeko

Ondo bizi, bizi ikasi ;-)!



Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

IRUDIEN BILA... ZAILA AL DA? NOLA ERRAZTU?

Goiko hori aurreko astean Bizkaiko Foru Aldundian aurreko astean emandako ikastaroan egindako ariketaren argazkia. Esker mila Bea, Ane, Txema, Toño, Nagore, Itsaso, Txaro, Rafa, Nerea...

Edozein kontzeptu, ideia, hitz,... edozer adierazi dezakegu irudi baten bidez. Uste ohi dugunaren kontra... Lehenego egunean talde batekin lanean buru-mapagintza azalduz eta ohikoa: "baina, hori oso zaila da, zelan adieraziko dut irudi bitartez, homologatzea (edo jarri beste edozein hitz abstraktu)?"

Eta ariketa egin ohi dugu: "hara, egin berba zerrenda luze bat eta bota iruditzeko zailenak diren berbak" Taldekideei esaten diet bitartean,"hor dituzue errotulkiak eta marraztu, datozkizuen heinean hitz horietarako irudiak", eta berehala osatzen dugu harbela. Eta laster baten aurkitu dizkiogu hitz bakoitzari bere iruditxoak. Beti. Eta gainera, adibide zehatzoi orokorretik begiratuz gero, irudiak ekartzeko bideak. agertzen zaizkigu argi-argi. Kasu honetan ezkerraldean idatzita daudenak:

- asosiazioak: materiala den zerbaiti edo nire buruan dena delakoagatik dagoen istorioren bati
-letra-ikur konbinazioak eta horien deribatuak (izenak, adjektiboak, aditzak eta adberbioak bereizteko)
- egunerokoak: arreta bizia (zer mundu ederra denean!) nota-liburuska eta errotuak eskura. nork zioen trenari edo berandu datorren lagunari itxarotea aspergarria dela?
- lagunak: norberari bururatu ez, baina ingurukoei galdetuta, berehala datozkigu irudiak. Oso modu polita elkarrengana hurbiltzeko, baietz?
- Interneten bilatu: google images; yahoo; flickr,...

-....

Eta oso kontuan hartzekoa, kontu bat da irudiak burura ekartzeko gaitasuna (irudimena esan dezakegu) eta beste bat irudi horiek marrazteko gaitasuna. Azken honi buruz: aholku batzuk (my two pennies ;-):

• utikan lotsa! 
• egin eta egin
• zure barruko umetxoari bidea utzi
• irudi sinple, arin eta adierazgarriak egiteko gaitasuna hobetzeko liburu egile batzuk: Nancy Margulies, David Sibett, Sunni Brown,...

 Ondo bizi!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

Nola buru-mapak egin?

Berriki agertutako pieza eder bat, iMindMap software-a erabilita eginda, MAdMediatik bildua. Gaia: nola buru-mapak egin?

Asteburu on!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

MEMORIAREN MAPAK

Aurreko asteburua ederra izan da zihetz! Donostian izan gara espazio irekian "euskal herrian bakea eraikitzen" lelopean. NYeko ikastarotik bueltan ametsa motxilan: gai horixe jorratzeko espazioa irekitzeko gogo bizia. Egun gutxi batzuk garrenean Xabier Mínguez crack handiaren mezua jaso genuen... zertarako eta horrexetarako! Donostiko EHUko psikologia fakultatean Ramon Alzateren gidaritzapean egiten ari dan tesi-lanaren azken urratsa, hilabetetan elkarrizketatu izan duen lagun-taldean oinarrituta, espazio irekian solasean jardutea izango zen. Lankidetzarako deitu zigun eta ederto egin dugu bat azken asteetan. Hemen larunbatekoaren laburpena ingelesez.

Ostiral gauean, tokiko prestaketak egin eta gero, azken prestaketa, norbere buruarena. Eta errepasorako buru-mapa eder hau prestatua genuen aurreko batetik.

Baina orduantxe konturatu, Magisteritza Eskolan ahaztua genuela orria! Bakarka jarri eta buruz genekiena tiki-taka bota genuen paper zurira.... ordu erdi inguru horretan eta hara zer atera zen!

Kuriosoa, jatorrizkoaren oso antzekoa, konpletoa eta aberastua (adar gutxiago, "espazioari eusteari" buruzko adarra ez genuelako orain adierazi behar). Buru-maparen gaztelerazko transkripzio testuala azpialdean, Ramon lankidearekin adosteko aurkezpenean nola uztartu behar genituen elkarren eleak,...

Askotan esan dugu memoriaren lagungarri direla buru-mapak, eta oraingoan bizi-bizi gertatu zaigu hori ;-)!

Ruperren "Martin Larralde" kantetan, opari. Kantu hau "bisuala" ez bada, zein bai?

Ondo bizi! 
Eleder  
BuM31    Mild Mapping-Open Space Technology-Zor-o-mena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)  www.flowandshow.blogspot.com  (eng)
www.bilbohiria.com/gaika/berbaz (irratiko saioa)

(+0034) 638.733.223