ZER DA GUNE IREKIA? (Gune Irekiko Teknologia = Open Space Technology)

Zer da Gune Irekiko Teknologia?
Gune Irekiko Teknologia (GIT edo GI, laburtuta) era guztietako jendeari edozein motatako antolakundeetan bilera eta topaketa argituak sortzen laguntzeko modu bat da. Argi geratu da, halaber, 1985etik-edo, espazioa irekitzeak, nazioarteko aitzindaritza-praktika intentzional gisa, jende arruntak elkarlanean jardungo duen antolakunde argituak sor ditzakeela eta jarraitasunez emaitza ezohikoak sortzen lagundu dezakeela.

Gune  Irekiko bileretan, topaguneetan eta antolakundeetan parte-hartzaileek beraiek sortzen eta kudeatzen dute euren agenda, hau da, garrantzi estrategikoa duen gai nagusi baten gainean aldi berean emango diren lan-saio paraleloak. Gaia izan daiteke, esaterako: zer estrategia, talde, antolakunde edo komunitate babestu dezakete edo sortu daiteke lankidetzan parte-hartzaile guztien artean?
5 eta 2000+ lagunekin -egun bateko lantegietan, hiru eguneko topaketetan edo asteroko lan-bileran- honako hauxe da ohiko emaitza: antolakundean jada gertatzen ari dena (plangintza eta ekintza, ikastea eta egitea, pasioa eta erantzukizuna, parte-hartzea eta jarduna) konektatzea eta indartzea.

Bideo honetan ikusi dezakegu nolakoa izan ohi den gune irekikoa:


Ikusi honako hau ere: WorkingInOpenSpace (Gune Irekian lan egitea, gidatutako ibilaldia).

Duela urte batzuk www.openspaceworld.org orrialdeko sarrera-testua euskaratu genuen. Blog honetara dakargu orain testu hura, eta azken aldian heldu zaizkigun bideo argigarri bi. Beste bideo hauek ere begiratzko modukoak izango jatzuz, sakondu nahi badozu...

Articulo de intro al Open Space en Español y un artículo indicando formas de dar los primeros pasos para capacitarse como facilitador/a de Open Space

• Improbable Devoted and Disgruntled Road Movie (29´): 
• Zubideiak (2016)
• : nola lagundu dezake euskarak bizikidetza indartzen?
• GeuK 2014
• Euskal Herriko mugimendu artistikoaren etorkizuna (Doka 2012)
• Hau bai hau, Made in Zerain, euskeraz (5´ :-)! 
• Harrison Owen espazioa irekitzen (15´ Connecting for Community, Cincinnaty, 2013)
• Espazio Irekiko egun bateko topaketa iruditan
  •  Open Space Technology : Facilitation of a complex business issue (2´ Jean-Philippe Poupard)  Lisa Heftek kutun
• US WEST-ekoa, Harrison Owen prozesua azalduz eta parte-hartzaileak adieraziz zergatik bikain (16´)
• Harrisonbourg-eko herriko espazio irekiko batzarren gaineko bideoa (8´)
• AOHeko jendeak azalduta, Amanda Fentonen aholkua, (3´) http://vimeo.com/19196749
• Thomas Herman-ek Suedian fazilitatutako espazio irekiko baten bideo bikaina, 

ekintza proposamenekin eta (11´)

• 6 ' Open Space Technology: the most engaging all-company meeting (Robert Richman)
• Harrison Owen, espazio irekikoa minutu baten azaltzen (bideoa) 
• Chris Corriganek bidalitako sorta bat ("...basic teachings and introductions to methods and ideas we are exploring in the Art of Hosting,..")   http://vimeo.com/album/2099685
• Bideo honetan, espazio irekia zer den, 4 oinarriak eta lege bakarra azaltzen
• 4 oinarriak eta lege bakarra karteletan
• Espazioa irekitzean esatekoak, buru-mapa baten
• Espazio irekikoa, oinarriak, oin bien legea,... azaltzen @Eleder_BuM
• Zer egin espazio irekiko fazilitadore gisa trebatzeko? Erantzun batzuk testu horretan
• Post honetan txertatutako bien helbideak (musika klasikoduna: http://www.youtube.com/watch?v=AX8ruHXy2lY 
• Jutta Boscop-ena:  http://www.youtube.com/watch?v=3UoG24LdU5Q 
•  Jutta Weimar, nerabeen topaketa baten espazioa irekitzen (Poñitik sucht Mädchen, Mädchen suchen Poñitik, 8´)  http://www.youtube.com/watch?v=zLV0g7jznj0
• Elkarrizketak 7 adituri (ingelesez David Smith-ek eginak,  
  Bayyinah Bello, Harrison Owen, Helen Patterson, John Moore, Nev Kennard, Peggy Holman, Peter OÇonnell), Gune Irekia zer ote dan. Oso interesgarria.
• Zubideiak 1   Zubideiak 2  3. bideoa hemen 4.bideoa hemen

.................................................................................................

Gune Irekikoa nolakoa izan ohi den, 3´19´´ bideo honetan ikusi.

BARNE ETA KANPO: buru-mapak ikastaro bi asteon; bat online

Gaur goizean publikoki irakurri behar genuen eta publikoki irakurri dugu. Zer? Bizkaiko Foru Aldundian Antolaketa Teknikarientzako oposizioa zegoen deituta. Izena eman eta parte hartu dugu. Zertarako? Batez ere, publiko egiteko oposizio ustela dela oraingo hau ere. Esaterako, 2011 hasieran argitaratu dira oposizioko oinarriak eta gaiak, baina 2010eko udan, jada, www.funtziona.blogspot.com blogean argitara emanak ziren...

Eta horrelakoak gertatzen dira, eta ezin isilik egon,...

Udazkenarekin jarduera ohikora doa. Bihar hasi behar dugu GARATU programaren barne buru-mapei buruzko 30 orduko ikastaroa. ON-LINE lehenegoz. EDE Fundazioko Itziar Kerexetaren laguntza itzelaz Moodle ikasten ari gara... . Ostegunean IRALEn euskara hobetzen ari diren irakasleekin, buru-mapak ahozko frogak prestatzeko zelan erabili ditzakegun aztertzeko,...

Irakasteari esker ikasten dugu gehiago.

Orain ikastaro hauen prestaketak esploratzera narama. Buru-mapak egiteko arauak sarean osorik (non) ote dauden... Ez dut hori aurkitu, baina esplorazioak bideo hau ekarri dit opari.

Segi esploratzen :-)!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com    http://www.bilbohiria.com/gaika/berbaz 

OUT-2 : AUTOERAKETA eta AUTOBONBOA :-)! (Zer da Espazio Irekia / Open Space Technology)?

"Lotsa? Lotsea, ostuteko!" esaten auen amama gureak.

Esker mila, Hik Hasiko jende zoragarriari, honetan joan ginen, eta hara zer opari ederra, Espazio Irekia zertan den zabaltzeko modu eder hau! Bertan azaldu genuen ahalik eta ondoen Espazio Irekiari buruz dakiguna, bat-batean, egindako galderei erantzunez. Testu hau osagarria izan daiteke, eta www.openspaceworld.org antolaketa eta bilera ulerkera honetaz ikertzeko sarbide oparoa.

Beste ikasteko aukera bikain bat? Urteroko  Espazio Irekiko mundu mailako topaketa: WOSONOS, aurten Olmúen (Txile).

@morea,

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

ESPAZIO IREKIA (Open Space Technology): SARRERA

OpenSpaceWorld Espazio Irekiaren erabiltzaileen topagune nagusia da. Duela aste batzuk webgune horretako sarrera-orrialdekoa euskararatu genuen. Jarraian duzu testua, eta hemen jatorrizko ingelesezkoa. Zuzenketak ondo-ondo etorriak!

Zer da Espazio Irekiko Teknologia?

Espazio Irekiko Teknologia (EIT edo EI, laburtuta) era guztietako jendeari edozein motatako antolakundeetan bilera eta topaketa argituak sortzen laguntzeko modu bat da. Argi geratu da, halaber, 1985etik-edo, espazioa irekitzeak, nazioarteko aitzindaritza-praktika intentzional gisa, jende arruntak elkarlanean jardungo duen antolakunde argituak sor ditzakeela eta jarraitasunez emaitza ezohikoak sortzen lagundu dezakeela.

Espazio Irekiko bileretan, topaketetan eta antolakundeetan parte-hartzaileek beraiek sortzen eta kudeatzen dute euren agenda, hau da, garrantzi estrategikoa duen gai nagusi baten gainean aldi berean emango diren lan-saio paraleloak. Gaia izan daiteke, esaterako: zer estrategia, talde, antolakunde edo komunitate babestu dezakete edo sortu daiteke lankidetzan parte-hartzaile guztien artean?

5 eta 2000+ lagunekin -egun bateko lantegietan, hiru eguneko topaketetan edo asteroko lan-bileran- honako hauxe da ohiko emaitza: antolakundean jada gertatzen ari dena (plangintza eta ekintza, ikastea eta egitea, pasioa eta erantzukizuna, parte-hartzea eta jarduna) konektatzea eta indartzea. Ikusi honako hau ere: WorkingInOpenSpace (Espazio Irekian lan egitea, gidatutako ibilaldia).

Noiz eta zergatik?

Egin beharreko lana konplexua denean, eragindako jendea eta ideiak askotarikoak direnean, kontua bideratzeko pasioa (eta, beraz, gatazka emateko aukera ere) handia denean, eta gaia burutzeko epea "atzokoa" zenean, orduantxe funtzionatzen du ondoen Espazio Irekiak. Erantzukizunak zedarritutako pasioa, kafe-eten on baten energia, intentziozko auto-eraketa, lan-esparruko espiritua, anabasa eta sormena, antolaketa-eboluzioa eta gehien behar den unean eta gunean jendea eta antolakundeak mugimenduan jartzeko modu sinple eta ahalmentsua dela esan izan da.

Eta, EIa itxurazko egiturarik ezagatik eta sorpresei ongi etorria emateagatik ezaguna bada ere, oso egituratua suertatzen da Espazio Irekiko bilera edo antolaketa. Baina, hain da egitura hori jendeari eta esku artean den lanari modu perfektuan itsatsitakoa, ze bere zereginean, hau da, lanik onena sustengatzen (ez oztopatzen), igarri ere egin gabe ematen baita. Izan ere, Espazio Irekian ehundutako istorioak eta lan-planak konplexuagoak, sendoagoak, iraunkorragoak izan ohi dira eta adituek edo zuzendaritzak gidatutako diseinuak baino askoz bizkorrago mugi daitezke.

Zer gertatuko da?

Inoiz ez dakigu zehazki zer gertatuko den jendeari bere lanik garrantzitsuena egiteko espazioa irekitzean, baina honako emaitza hauek berma ditzakegu talde bat Espazio Irekian sartuz gero:

1. Parte-hartzaileentzat garrantzirik HANDIENA duten gaiak aterako dira.

2. Ateratako gai bakoitzari parte-hartzailerik prestatuenek eta zerbait egiteko gaienek helduko diote.

3. Egun bateko edo egun biko epe laburrean ideiarik, mintzaldirik, daturik, aholkurik, ondoriorik, azterketa sakonagoa behar duten gairik, eta berehalako ekintzarako planik garrantzitsuenak txosten ulergarri batean jasoko dira – eginda, inprimatuta eta parte-hartzaileen esku, alde egiten dutenerako.

4. Horretarako espazio eta denbora egokia uzten bada, txosten horretako eduki osoa fokatu eta lehentasunez hornitu daiteke, ordu gutxi batzuetan, ehunka lagunen taldeekin ari bagina ere.

5. Ekitaldi baten ostean, egun batzuen buruan emaitzak antolakunde edo komunitate osoaren esku utzi daitezke, mintzaldiak, "stakeholder"ak (gai jakin batean eragina izan dezaketen pertsona edota taldeak) inplementatzera gonbidatuz, orduantxe.

6. ETA... horrelako emaitzak planeatu eta inplementatu daitezke talde handiko lan-modu izeneko beste horietako edozeinetan baino arinago. Egun edo aste batzuetan lortu daiteke beste bide batzuetatik hilabeteak edo urteak beharko lukeena.

Barri ona, eta barri txarra, funtzionatu egiten duela. Barri ona, jendea eta lana mugimenduan jartzen duelako. Barri txarra, aurrerantzean gauza asko lehengo aldean ezberdinak izatera pasatzea ekar dezakeelako. Nahi diren gauzak agertu daitezke, nahi ez direnak desagertu daitezke eta batzuetan alderantzizkoa gerta daiteke -baina, horrelakoa da bizitza. Labur esanda, beraz, Espazio Irekiak bizia dakar antolakundeetara eta bizitzara dakartza bueltan antolakundeak.

Zer da hurrengoa?

Webgune hau istorio arrakastatsuz, praktikarako baliabidez eta beste informazio-puska on eta lagungarriz beteta dago. Horiek guztiek "Zer da Espazio Irekia?" galderaren erantzunaren zatia daukate. Hona hemen hurrengo urrats onak izan daitezkeen artikulu batzuk...

* OpenSpaceQuotes (Espazio Irekiari buruzko aipuak)
* OpenSpaceExamples (Istorio labur-laburrak)
* OpenSpaceElevatorSpeeches (Espazio Irekia zer den)
* OpenSpaceExplanations (xehetasun batzuk)
* OpenSpaceNewsletters (e-berripaperak)
* OpenSpaceArticles (Espazio Irekiari buruzko artikuluak)
* OpenSpaceWorldPhotoAlbum (Espazio Irekiaren argazkiak)

___________________________________________________________________
BM31: Mind Mapping-Open Space Technology-Sormena

www.burumapak.blogspot.com
www.in-fluyendo.blogspot.com

www.flowandshow.blogspot.com

__________________________________________________________________________________________

HIK HASIn BURU-MAPEI BURUZ

Udaberrian HIK HASIko (euskal hezkuntzako talde zabal batek 1996an informazio, eztabaida eta elkargunerakoneratutako bitartekoa) Olatz Lasagabaster kazetaria etorri zitzaigun Bilbora haien aldizkarirako elkarrizketa egiten. Aitzakia, uztailean Donostian eman behar genuen ikastaroa, haien urteroko Udako Topaketa Pedagogikoen baitan. Oso gustora ibili ginen han, eta hezkuntza munduan dabilen edozeini aholkatzeko moduko topalekua iruditu zitzaigun.
Olatzekiko berbaldia gozoa eta emankorra izan zen, eta Hik Hasiko paperezko 140. alean agertu zen erreportaia txukun eta osoa.
Orain HIK HASIren w-atarian argitaratu berri dute erreportaia hura.
Hemen duzu esteka, eta jarraian aipatutako idatzia osorik.

BURU-MAPAK. Hire burua antolatu eta sortu!

Buruan ditugun ideiak antolatzeko tresnak dira buru-mapak. Eta, beraz, ideiekin lan egin behar duen edonorentzat egokiak dira, baita irakaskuntzan ere. Egitura sinplea dute: hitzak eta irudiak dira gakoa. Gure ideia nagusiak, hainbat hitz eta irudirekin adierazten ditugu, ondoren erraz gogoratzeko. Irudiek garrantzi handia dute gainera, ideiak erraz gogoratzea ahalbidetzen dutelako. Eleder Aurtenetxe txiripaz hasi zen buru mapekin lanean, eta “The mind Map Book” liburua aholkatu ziotenetik, autodidakta izan da. Gaur egun, sormen arloko trebatzaile eta aholkulari egiten du lan, bai eta Open Space Technology talde handiekin lan egiteko teknika paregabekoaren erraztaile ere.

Buru-mapak ideiak paperean edo ordenagailuan modu antolatuan jartzeko tresnak dira. Nork bere burua antolatzeko tresnak dira, eta ikaskuntzarako eta irakaskuntzarako baliagarriak. Buru-mapen sorrera Buzan anaiei zor zaie, Tony eta Barry Buzani. Bien artean idatzi zuten “The Mind Map Book” liburua 90. hamarkadan.

Eleder Aurtenetxe buru-mapekin aritzen da lanean, besteak beste. Eta hark azaldu digu nolakoak diren: “Buru-maparen erdigunean kolore askotako irudia izango genuke, beharbada testu apur batekin. Komeni da testu hori ere, koloreekin idaztea eta irudiak izatea. Erdigune horretatik adar nagusiak ateratzen dira, eta azpiadarrak. Egitura, berriz, erradiala dute”.

Nola sortzen dira buru-mapak?

Gai jakin bati buruzko buru-mapa sortzeko, lehenik eta behin gai hori adieraziko duen irudiren bat pentsatu behar da, eta erdigunean hori marraztu behar da. “Gutxienez hiru koloreko zerbait egingo dugu erdigunean, adierazgarria dena. Koloreak erabiltzea komeni da, era horretan, garunak informazioa hobeto gordetzen duelako. Erdiko ideia nagusia dugunean, inguruan ideia zehatzagoak ipiniko ditugu, adarrak aterata. Ez da komeni erdigune horretatik bost edo zazpi adar baino gehiago ateratzea, izan ere, garunak zazpi kontzeptu baino gehiago oroitzeko zailtasunak izaten ditu. Prozesu horretan, normalean lehenik zirriborro bat egiten da, ideia nagusiak eta gainerako ideiak identifikatzeko; eta bakoitza dagokion tokian jartzeko. Bost-hamar minututan zirriborroa egin dezakegu, eta, ondoren, lasaitasunez osatzen joan. Ideiak marrazkiekin osatzea ere, egokia da, informazioa errazago gogoratuko dugulako”, azaldu digu Elederrek.

Koloreak erabiltzea ere garrantzitsua da, alde batetik garunari hainbat gauzari buruz ari garela ikusten lagunduko diogulako, eta, bestetik, koloreak era kodatuan erabil ditzakegulako: adibidez, kolore urdina ikasgaietarako, kolore berdea etorkizunerako… Buru-mapek duten beste ezaugarrietako bat ideien arteko asoziazioak egiten dituztela da: gezien bidez, ikur berezien bidez… ideiak lotzen dira. “Adibidez, norbaiti 50 laguneko zerrenda osatzeko eskatuko bagenio, lagunak bost multzotan banatzeak asko erraztuko luke gero haien izenak gogoratzea: mendiko lagunak, gauez irtetekoak, artea gustuko dutenak, familia ingurukoak eta auzokoak. Bost multzo eginda, ideiari egitura ematen zaio, eta horrek gogoratzea errazten du. Lagun horietako bat, adibidez, familiakoa, mendizalea eta parrandazalea bada, hitza hirutan idatzi gabe, multzoen arteko asoziazioak egin ditzakegu”, esan digu Elederrek.

Espazioari dagokionez, buru-mapak orria etzanda dagoela egiten dira, espazioa hobeto erabiltzeko. Adarrak eta azpi adarrak modu irakurterrazean jarri behar dira, hau da, 45 graduko angelutik gorantz. Orriaren tamainak, ez du garrantzirik, baina hutsunearen garrantzia azpimarratu du Elederrek: “Hutsuneak garrantzi handia du. Garunari hutsunea, espazio hutsa, ematen diozunean, hori betetzeko joera izaten du. Orria txikia bada, errazago beteko duzu, handia bada, gauza gehiago sortzeko joera izango duzu. Beraz, espazioa soberan izatea komeni da”.

Eskuz edo ordenagailuz

Buru-mapak eskuz, paperean, edo ordenagailuz egin daitezke, Elederrek azaldu digunez: “Ordenagailuan buru- mapak sortzeko hainbat programa daude, eta Wikipedian Mind map bilatuz gero, software zerrenda agertzen da”. Baina eskuz eta ordenagailuz egiteko prozesua ez da bera: “Apur bat aldatzen da. Buru-mapak ordenagailuz egiten ditugunean, edozein unetan edozein ideia idatz dezakegu… Etengabe izango dugu aurrean buru-maparen zirriborroa eta ordenagailuak, gainera, buru-maparen egiturari eutsiz edozein ideia multzo batetik bestera mugitzea errazten du. Irudiei dagokienez ere, irudi bilduma sor daiteke karpeta batean eta behar ditugunean erabili; ez dugu marrazten ibili beharrik izango, nahiz eta norberak irudiak egin ditzakeen beste programa batzuekin”.

Irakaskuntzarako erabilgarri

Buru-mapak oso interesgarriak izan daitezke irakaskuntzarako, bai irakasleek kontzeptuak azaltzeko eta baita ikasleek ikasteko tresna gisa erabiltzeko ere. Tresna menderatzea oso erraza dela esan digu Elederrek: “Ikasiz gero, kontzeptua oso sinplea da; paradigma aldaketa besterik ez da. Aldaketa polita eta dibertigarria da, gainera. Buru-mapak egitean, prozesuan zehar gauzak asmatzen joan behar duzu, adi egon behar duzu ideiak zeureganatzeko, kontzeptuak irudien bidez nola adierazi pentsatu behar duzu… Jolas etengabea da, norbere burua aberasteko modua”.

Buru-mapak ordenagailuz egiteko programak:

Xmind. Software askea da. Interneten argitaratzeko aukera ematen du, erraz. Esteka bat sortzen du eta edonork ikus dezake.

Mind manager. Pribatua da baina buru-mapak egiteko oso erabilgarria.

Buru-mapei buruz gehiago jakiteko:

Eleder Aurtenetxeren bloga: http://www.burumapak.blogspot.com

Tony Buzanen web gunea:http://www.buzanworld.com

BURU-MAPAK: zer-nolakoa eta zertarakoa

Goiko BM hori Alan eta Emily Burtonek egina da eta haien webgunean jaso dugu.

Buru-mapagintza zabalduz egin nahi dugu bizibidea, besteak beste. Horretan ari garela, bezerogai batek galdetu digu berriki: "...akaso, izango bazenu idazkiren bat azaltzen zertan datzan buru-mapa, zertarako balio duen, aplikazioak eta azkenik zer nolako formatotan aurkez daiteken (ikastaro, hitzaldi,...) nik bidaliko diet berriz ere ardura duten teknikarie...". Lanean jarri gaituzte, bada, berriz ere, eta erantzundakoaren lehenego zatia blog honetara dakargu jarraian. Eskaini ditzakegun ikastaro/hitzaldien formatoari beste idazki baten helduko diogu. Mila esker aunitz, Igone, galdetzeagatik!

1. ZER DA BURU-MAPA BAT?

Honela definituko dut nire esperientzian oinarrituta: ideiak adierazteko, antolatzeko eta aurkezteko teknika berezi bat. Buru-mapak eskuz egin daitezke, eta buru-mapak egiteko software-sorta zabal bat ere badago.
Eskema mota hau proposatzerakoan Buzan anaiek garunaren ahalmen guztiak aktibatzea eta erabiltzea dute xede. Sormena eta oroimena laguntzen dute buru-mapek.

1.1. Nolakoa da buru-mapa bat?

Gaia adierazteko irudi argi eta koloretsua izaten du erdigunean, arreta ondo harrapatzeko eta ideia-asosiazioa pizteko.
Sortzen diren gainerako ideiak adar eta azpi-adarretan jarriko ditugu, modu arinean, ideia-jarioari bide emanez, egitura erradiala osatuz.
Ahal den heinean irudien bitartez adieraziko ditugu ideia horiek. Hitzak erabili behar izanez gero (kontzepturen bat irudi bidez adierazteko zailtasunagatik), gako-hitz bakarraz adierazten saiatuko gara. Jakina, buru-mapa beste batzuei gauzak azaltzeko erabiliko badugu, hitz-irudi bikotea jarri dezakegu.
Ahalik eta eskemarik ederrena egingo dugu eta espazioa ahalik eta txukunen erabiliko dugu, buru-mapa gauza erakargarria eta argia egiten saiatuz.
Garunak hobeto uler dezan naturan agertzen diren antzeko formak eta egiturak errepikatuko ditugu. Horrexegatik eskema mota honen egitura erradiala (arbolak, garunaren barne egitura bera, gure gorputza, tximistak,...).

1.2. Paradigma-aldaketa

Paradigma-aldaketa handia da buru-mapa idazteko eta eskemak egiteko ohiko moduen aldean:
ohiko testu lineal zuri-beltzekoen aldean oso itxura ezberdina duelako.
ideiekin lan egiteko prozesu osoa gozagarri bihurtzen delako.
garuna etengabeko aktibitatean jartzen digulako (irudiak asmatzen saiatzea, koloreak kodatzen saiatzea,...).
pentsamendua (eta, ondorioz, bizitza)irekitzen duelako. Egitura erradialaren altxorra da hori. Edozein ideia gehitzen dugula, beti dago espazio irekia beste ideia batzuk jartzeko azpi-adar edo albo-adar gisa.
talde-lanean ari garenean, kide guztien iritziak modu arinean eta malguan toki batean integratzeko aukera ematen digulako, inorenik baztertu gabe.

2. ZERTARAKO BURU-MAPAK?

Ideiekin lan egin behar duen edozein pertsonentzat edo talderentzat egokia da tresna hau.

Ordenagailu bidez buru-mapak eginez gero informazio kopuru handiak ondo antolatzeko modua izango dugu (edozein agirirako, artxiborako edo internet-gunetarako lotura egin ahal da).

Besteak beste, esparru hauetan dira oso erabiliak buru-mapak mundu zabalean.
1. NORBERARENTZAT (autoanalisia, erabakiak hartzeko, arazo konponketan, sortkuntzan, testuak idazteko oinarri gisa, agenda gisa, ikasketan (opositoreak, hizkuntzak,...)
2. FAMILIAN: familian ikasteko, ipuin kontaketa,...
3. HEZKUNTZAN: pentsamendua garatzeko, irakasteko,
4. OSASUN ARLOAN: dislexia arazoak konpontzeko,...
5. LANEAN (ENPRESAN, ELKARTEETAN, ADMINISTRAZIOAN...): bilerak antolatzeko eta gidatzeko, jendaurreko mintzaldiak prestatzeko edo eta emateko, zuzendaritzan
6.KOMUNITATEAN: etorkizuna irudikatzeko, proiektuak bidetazeko,...

3. SAKONTZEKO

Gehiago jakin nahi izanez gero, hauek izan daitezke sarbide egokiak:

1. Tony Buzan:
- bideo honetan buru-mapa zer den eta zer onura duen azaltzen du.
- “The mind map book” (1996) “El libro de los mapas mentales” (Ed. Urano)
2. Adibideak: Paul Foremanen buru-mapa kutunak
3. Wikipedian:
ingelesez
espainolez
frantsesez
- Buru-mapak egiteko programa informatikoen zerrenda
- Guk sarrien erabilia: XMind

___________________________________________________________________
BM31: Mind Mapping-Open Space Technology-Sormena

www.burumapak.blogspot.com
www.in-fluyendo.blogspot.com

www.flowandshow.blogspot.com

____________________________________________________________________________

OSONOS=EIBUEI: ESPAZIO IREKIAN trebatzeko aukerak laster

Espazio Irekia (Open Space Technology) aipatu izan dugu blog honetan lehenago ere bai.
Talde handiak gai baten inguruan modu auto-eratuan eta aurrez agenda zehatzik izan gabe lan egiteko teknika gisa definitu daiteke, labur esanda, Espazio Irekia. Parte hartzaileen askatasuna eta ardura du oinarri eta jendearengan konfiantza jarrita itzelezko emaitza onak ateratzen direla frogatu izan omen da mundu zabalean, azken 25 urteetan arrakastaz erabili izan baita, 2000 lagunetik gora parte hartuta ere.

Horri buruz interesa duenak OSW webgunea bisitatzea du bai eta espazio irekiari buruzko liburu oinarrizkoren bat irakurtzea ere.

Nire aholkua, Harrison Owen-en gida-liburua irakurtzea edo bideoren bat begiratzea, espazio irekiaren internet zerrendan izena ematea bertan dabilen jende-modu interesgarria hurbilagotik ezagutzeko, eta "kili-kili" eginez gero, espazioak irekitzeari ekitea. Non izan daiteke interesgarria? Pentsatu, adi egon, eta aukera ona izan daitekeen horretan, beldurrik gabe ekin. Hori baita teknikaren balioaz jabetzeko modurik zuzenena, ikasteko modurik eraginkorrena eta ingurukoei ezusteko polita emateko aukera ederra.

Hori eta gero zer gehiago?

Beharbada, Espazio Irekian esperientzia handiagoa duen jendearekin trebatze ikastaroren bat egin.

Baina ziur, hori bai, OSONOS delakoren batean parte hartzea. Zer den hori? Open Space ON Open Space, hau da, Espazio Irekiari buruzko Espazio Irekia (eibuei). Denboran hurbilena udazkenean, WOSONOS 2009 mundu mailako topaketa, Taipein(Taiwan).
Baina laster, askoz hurbilago, aukera paregabe bi:

1. Parisen 2009ko udagoienean, Europa mailako topaketa.

2. Berlinen, 2010eko udabarrian, WOSONOS (mundu mailako topaketa).

Hor nonbait izango garelakoan, ondo-ondo izan!

TONY BUZAN ON MIND MAPPING

Tony Buzan ageri zaigu bideo honetan, oso erraz ulertzeko moduko ingelesez, buru-mapak egiteko arau batzuk eta horien zergatiak azaltzen. Agerian dago ere bai berea negozio handia dela, eta jende askok leporatzen dio Buzani bere negozio hori puztearren exajeratu egiten duela buru-mapen onurei buruz hitz egitean eta bere liburuetan botatako gauza dexente oinarri zientifikorik gabeak direla.

Aipatutakoen zantzu batzuk hartuko dituzu wikipedian Tony Buzan bilatuz gero eta berari buruzko eztabaida irakurriz gero.

The Mind Map Book liburua plazaratu zuen Barry anaiarekin lankidetzan 1993an eta iMindMap softwarea da berak sustatutakoa.

Ez diezaiogun guk, bada, publizitate gehiegi egin,... bere soldatapean jarri gaitzan artean, behintzat :-) !