2014/06/25

Doinu eta dantza eskeen desiotan (Hinka taldea, Versus kanta)

Berdintasunaren esperantzan
egotea zertan datzan
gizonezkoak begira eta
emakumezkoak dantzan

Emakumea eta gizona
berdin jin baziren honaohituretatik ikasi behar dabaina dena ez da ona
Oraindik ere aldea bada
Banakotik banakara
eskutik heldu lagunei edobidean galduko gara

Arituz orain eta gero’re
bakarrik eta dotore
bakarrik oso gustura gaude
baina elgarrekin hobe
Musika eta hitzak entzunezurratsak badoaz berez
Hemen nehor ez da gutxiago
eta gehiago ere ez
Izan zaharrak nola gazteakgizonak zein emazteakHemen desio ditugu denekdoinu ta dantza askeak

(Hinka taldeko Maitenaren eskutik, merzi! Odei Barrosok hitzak. ). Gogoko? Hemen gehiago, Begira!

Bizi!

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Petti Buhame Pastorala (aurre-lana)




"Hilabete bat gelditzen delarik Garindaineko pastoralaren lehen agerraldia aitzin, dantzarien gana izan gira. Hauek ere aste guziz trebatzen dira eta dantza berriak ikasten dituzte. Pastoralaren aitzakiarekin, joanden urtean, 20bat gizon hasi dira berriz dantzan.

Erreportai hunen gidari, Maddi Mirande, dantza irakaslea. "

(@KanAldude bidez, merzi :-)!

2014/06/24

Eguzki Dantza (one heart dance)




Irratian izan genituen Pagorriagako Agus eta Ainhoa, Eguzki Dantza bazetorrena iragartzen. Elkarrizketa entzun eta laburpena irakurri nahi? Ilusio handiz ari ziren. Eta kutsatu zitzaigun, bertan izan gara aurreko asteburuan, eta datorren asteburuan bertara itzultzeko ilusio handiz gagoz orain.

Zegatik? Zer azpimarratuko genukeen? Hona hemen zerrendatxo bat,...
  • Ze toki ederra Pagorriaga! Zoragarria!
  • Zelako maitasunez eta ilusioz prestatu diguten tokia azken asteetan bertan izan direnek! Oso txukuna, ederra, zabala,.... primerakoa!
  • Roy Littlesun. Oso eragin handia egin digu, bere 81 urteetan, soiltasunez, argitasunez, itzelezko indarraz, umoreaz, egote hutsaz, ondo jositako hitzaldiez, isiltasun adierazkorraz, janaria astiro-astiro hamaika aldiz mastekatuz...

  • Lagun euskaldun ugari, bizi-pozez, argitsu, fokatuta,... eta han-hemengoak, eta bere kabuz, "Bakarka" metodoaz, euskaraz ikasitako Juluieta brasildarra, eta,... Jende zoragarria, adin guztietakoa!
  • Giro baketsua, janari osasungarria, bertan lo egiteko aukera,... prezio jatorretan.
  • Umeekaz egoteko moduko topagune paregabea. Gainera ekintza gehigarri ederrak: zaldiz ibiltzeko auker, buztin tailerrak, ume ugari,...
  • Auzolan esperientzia ederra, bertan parte hartzeko irekia.
  • Osanaturrek egiten duen ekarpen mardula eta horren eragileak bertatik bertara ezagutzeko modua
  • Esperientzia meditatiboa. Bai tanborrean, bai txalapartan, zein dantza ibiltarian, lurrarekin eta nor bere bihotzarekin konektatzeko aukera aparta!
  • Ardura indartzeko eta norbere barrua sendotzeko ariketa itzela! 40 bat lagun bertan egonda, denari eustea, erronka polita! Eta ze ederra gero, "geuk egin dugu!" sentsazioa, gure bihotzean betiko iraungo duena!
Eta hantxe daude orain ere, une oro, ekainaren 30era arte edo uztailaren 1era arte, ortozik edo zapatetan, gau eta egun, eguzki, txingor, txinparta, eta datorrena datorrela, pum-pum-pum tanborrari eragiten, zantzo eta irrintzi ugariren artean, eta dantza ibiltari ederrean, euskal arima zaharrei ohore egiten, haiek berbizten.
Info +
*Bertaratzeko informazio praktikoa hemenPagorriaga Baserria      Tel. 943.582071    ainhoa@osanatur.com 
* Eguzki-dantzaren moldeari eta esanahiarei buruzko kontuak hemen ingelesez.
* Tokiko argazki batzuk hemen 
* Eguzki-dantza iragartzeko irrati elkarrizketa entzun eta laburpena irakurri nahi?

Gu, Bilbon-Mundakan egunotan, asteburuan Pagorriagara itzultzeko irrikitan! Zu zeu be, beharbada?

Bizi!

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz





2014/06/17

BIzi Tokiren aldeko elkartasun kanpaina

Bizi Toki : eraldaketa soziala eta eskolari alternatiba
Elkartasun kanpaina



Hiru urte jada Bizi Tokin eraldaketa sozialean eta eskolari alternatiban hainbat bizipen eder ditugula eta arlo hauetan Euskal Herrian gogoeta eta praktika aitzinarazten ari garela. Gaur egun Bizi Toki Euskal Herri mailako topagunea da eta luzaz hala izaten segitu nahi du!

Bizi Tokiren egoitza konpontzeko lanak auzo lan aberasgarrien bidez burutzen ditugu, baina material anitz erosi behar dugu. Horretarako 20.000 € biltzeko elkartasun kanpaina bat egin behar dugu. Kanpaina hori, Bizi Toki gehiago ezagutarazteko eta eraldaketa soziala eta eskolari alternatiba zabaltzeko baliatu nahi dugu ere.

Gauzak hola, Bizi Tokik interesa piztu dizuen guziei laguntza eskatzen dizuegu. Gure ideia, irailean eta urrian Euskal Herriko ahal bezain bat herri eta auzotan Bizi Toki lagundu nahi dutenek ekitaldiak antolatzea da. Ekitaldiak bi partetan egiten ahal lirateke. Lehen partean, bi ordu ingurukoa, Bizi Tokiren aurkezpena eta eztabaida bat antolatzen ahal lirateke. Bigarren partean dirua biltzeko elkartasun afaria edota kontzertua, antzerkia, zintzur bustitzea, kantaldia, bertsolaritza, talo jatea, ostatua, pintxoak, ogitartekoak...

Euskal Herriko txoko anitzetan Bizi Toki aurkeztu dugu jada baina gogotik itzuliko ginateke txoko hauetara eta gogotik ere beste berri batzuen ezagutzera joango ginateke. Eskertuko genizueke beraz, lagundu nahi bagaituzue, gurekin harremanetan sartzea.

Besarkada azkarra eta agian laster arte.

2014/06/03

Geuk II_ekainaren 12an Durangon



GeuK gune irekia izan zen otsailaren 26an Durangon.

Han hazitako izpirituak, ilusiak, gogoak,... beste hau dakar, datorren asterako.
Gune Irekiaren izpirituari eutsita bideratuko dena, Ixi Garziaren eskutik.

Kaka zaharra :-)!

Datorren asteko ekainaren 12koari buruzko Informazio gehiago hemen.

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz