¿NORANTZA, BILBAO?

Heldu den azaroan Caceresen "Hiri sormentsuak" izeneko topaketa. Hona hemen argibideak.

BIltzar horretarako komunikazio bat prestatzen ari gara, "¿Pa'dónde, Bilbao?" izenburupean. Edozein ekarpen ondo etorria izango da. Epea urriaren 1a da.

Hemen duzue XMind bidez prestatzen ari naizen eskema.

XMind software librea da. Zeure ordenagailuan instalatu dezakezu eta orduan, eskema hori deskargatu eta berrerabili ahal izango duzu.

BIDEO-TXARTELA

Eleder´s vcard_2' from Eleder Aurtenetxe Pildain on Vimeo.

Eleder´s vcard_2' from Eleder Aurtenetxe Pildain on Vimeo.

Aurreko idatzian aspalditxuko idatzia atara dot armariotik. Beste ale hau barriagoa da, 2009-V-16an egina. Eta Mikeli (Maiatzaren biko kalean, Bilbon, sasoi baten POTTOKO antzerki-denda zoragarria zabalik izan zuena) esker egina, besteak beste.

Etxean, "zer unjobbing eta zer modernokeri/alperkeri dok hori?. Hasi hai lan bile, bai, aho asko jak-eta zabalik gurean, ñam, ñam. ñam!..."

Esanekoa naz, eta Funky Projects-en Hello Change aukeraketa prozesuan parte hartzen ari naz. V-card bat (bideo bidezko aurkezpen-txartela) grabatzeko eskatu digute eta, a zer aitzakia ederra aspaldiko gogo bati bide emateko!

Bide batez, holako gehiagotarako gogoz gabiltza BM31kook... :-)



Comment, please!

HIRIA ERALDATZEN II (MINFOUTES)

Hilabete bat pasa da ia MINFOUTES (MindMap-Info-OUT-Espazioa) hitzaldia izan genuenetik eta orain lerro batzuk orduko hari buruz.

Hitzaldia iragartzeko idatzian azaldu bezala, nahiko gauza arraroa zen proposamen hura. Buru-mapagintza eta hiria eraldatzeko topagune/lantegi baten emaitzaren nahastea. Eta zinez aberasgarria izan zen. Hamabost lagun inguru elkartu ginen eta, besteak beste, buru-mapak zer diren azaltzeko balio izan zuen, etorritakoen artean gaia ondo ezagutzen zutenak egon bazeuden ere.

Horien artean Grupo Ikusnet-eko Elfeel izan zen eta berari esker jakin izan dut XMind programari buruz.

Bertsio bat "open source" moduan plazaratu dute eta goiko esteka horretan bide erraza duzu hura deskargatu edo erabiltzeko. Mind Manager-etik inportatzen du eta buru-mapak partekatzen eta talde-lanerako erabiltzen uzten du.

XMind horren bidez egina dago aurkezpen horretarako erabilitako MINFOUTES buru-mapa eta interneten erabilgarri duzu. Bide batez, ondo etorria hiria eraldatzeko saiora! Hemen, horri buruzko bloga, María Secoren ekimenez. Parte-hartzeko irekia dago, eta euskaraz ere bertan idaztea ondo etorria. Tú Bilbao - BILBAO-TU, beharbada?

MINFOUTES: TALLER DEL SOHO-n HITZALDIA BIHAR (hiria eraldatzen II)

MINFOUTESBihar 19etan Bilboko Taller del Soho-n topaketa, OUTen tallerrari buruzko laburpena aitzakia hartuta, buru-mapen oinarriak mintzagai.

Hemen hitzaldiaren iragarkia.

Eta hauxe, hitzaldiko eskema bat.

Ondo izan!

HIRIA ERALDATZEN (MINFOUTES)

OUT-Bilbao martxan jartzen eta gidatzen ibili izan da Lorenzo Rocha gurean aurreko urtean. Herritarrek eurek egunero bizi diren ingurua nolakoa izango den erabakitzera eta ekitera mugitzea xede duen pentsaeratik ari dira munduko hiri batzuetan.

Azaroan 3 eguneko tailerrean parte hartu genuen 20 lagunek edo. Eragin handia izan zuen gehienongan eta ekimen ugari atera ziren (eta haietako batzuk buruan daude oraindik).

Buru-mapa bat egin genuen ere orduko ideiak bildu nahian eta datorren asteazkenean eskema hartan bildutakoak aurkeztuko ditugu Bilbon. Hona hemen xehetasunak:

NOIZ eta NON: 2009-III-18, 19:00etan, Bilboko Taller del Soho-n

Honako HELBURU hauek ditu topaketak:

1. BM: buru-mapen (mind mapping) teknikari buruz dakidana hedatzea.

2. INFO: Lorenzo Rocharen tailerraren inguruan batutako informazioa zabaltzea, nik dudan eskema parte-hartzaileek erabili eta osatu dezaten.

3. ESPAZIOA: hirigintza horizontalari buruzko ekimenak sustatu ahal izateko espaziotxo bat eskaintzea.

Aholkua: "txoria" (pendrive) edo ordenagailua ekarri, SW edota eskema grabatuta eraman ahal izateko.

Harremanetarako: eleder.aurtenetxe@gmail.com

Ondo badatorkizu, bertan elkartuko gara.