Espazioa Ixtean (Open Space topaketaren ostekoak)

Aurrekoan Eutokian izan gara Espazio Irekikoa prestatzen, fazilitatzen eta ixten (hemen gonbidapen testua  , azken txostena eta parte-hartzaile batzuen barri). Betiko moduan, egitetik ikasi, eta hurrengoetan kontuan hartzeko moduko kontutxu batzuk idatziko ditugu hemen...

 

Espazioa Ixteaz:

Aberasgarria, praktikoa, sinplea, ederra izan ohi da espazioa ixteko modua. Gaudenak jarri ohi gara biribilean eta honelako zerbait bota ohi du fazilitadoreak: "Orain egunak ekarritakoari buruz zerbait esateko aukera duzu. Zer ekarri dizu gaurkoak? Zer gogo piztu dizu geroko? Baduzu nahi duzuna botatzeko tartea, bai eta isilik egoteko aukera ere,...". Eta banan-banan jendeak hitza hartu ohi du. Azkenean, egoera zein den, biribilean jarrita gaudenok elkarri begiratzeko gonbidapena egin ohi dugu.

Kontua da, lehenengoz horrelako batera datorrenak ez duela honen berri. Eta aurrekoan, Amasté-ko Ricardok proposatu zidanak zentzuzkoa dirudi. Hasieran , goizean espazioa irekitzean aipamenen bat egin behar ote genukeen. Espazioa denen artean osatzen dugula, itxikera berezia izan ohi dala, eta danon artean egiten dugula ere bai. Hori jakinda, joan beharra duena lasai joan dadila,...

Bestetik, azken biribilak (bilera tartea)  amaitutakoan, biribil bakoitzeko norbait han berba egindakoa ordenagailuratzen izango da (ordenagailuak erabiltzea erabaki izan denetan). 20´-30´ izan daiteke. Onena, ardura hori dutenei azaldu eta talde osoa lehen bait lehen ekartzea: "hartu zerbait jan-edateko eta jarri gaitezen azken biribilean!"... Bestela energiak beherantz egingo du laster, eta harekin bat, itxierako azken biribilak zer dakarren ez dakien jendeak (azken biribila badenik ere ez, sarri) alde egingo du eta...

Txostengintzaz: aurrekoan ere idatzi dugu honetaz hemen. Aurreko osteguneko esperientzian ikasi nuena: txosten basikoa bero-berotan bidalizalea naiz. Egunean zehar lagun bat horretan adi egotea komeni da (jendeak, batez ere hasieran, argi izateko plantilla bat dutela, non gorde,...) eta egiten diren bileren txostenak tarte bakoitzaren ostean biltzea aurrez egituratu dugun txosten osora. Horrela, espazioa ixteko biribila eta ordubetegarrenean klik egin eta denek izango dute irakurtzeko aukera. Aurrez prest mezua parte-hartzaile guztien helbideekin.

Tokian bertan geratu gero, eta hantxe berotan definitu sustatzaileekin azken txosten itxurusoagoak (halako bat hbahr/nahi bagenu) izango duen edukia eta itxura. Txosten osoago hau (argazkiak eta hemen sartuko genituzke, gehienez argazkitxo bat egon behar litzateke berehala bota dogunaren azalean, konplikazioak saihesteko) astebetegarrenean bota dezakegu errez....

Orain gogotsu apirilaren 28+29rako SOLOAN BARRIKETAN dakargula eta espazio irekian. Oraingoan, sustatzaile ere bagara... Animatu!


Eleder BuM31    Buru-mapak-Espazio Irekia-Sormena  
www.burumapak.blogspot.com   @Eleder_BuM  (Twitter)

www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com

http://www.bilbohiria.com/gaika/berbaz (irrati elkarrizketak) 

DOODLE RIGHT NOW! ZIRRIBORROGINTZA IKASTAROA laster (mar.9) Bilbon

 Sunni Brownek emandako ikastaroak eragina izan zuen bertaratuen artean. Han izandako lagun on bik beste ikastaro bat proposatzen digute, 3 aste barrurako. Hara!

DOODLE RIGHT NOW!

ikastaroa: martxoaren 9an, Bilboko EUTOKIAN, 16:00-20:00

Noiz: 2012ko martxoaren 9a, ostirala, 16:00 - 20:00 . Non: Eutokian (Bilbao)

Zertan ibiliko garen?

Marrazketa praktikatzen ibiliko gara, ariketa, aitzakia eta jolas ugari proposatuz, etorritakoek ahalik eta oparoen parte hartu dezaten Pentsamendu Bisualkaren (Visual Thinking) balioak eta eskuz marraztearen garrantzia azpimarratuko ditugu. Eukene Barrenetxea eta Pernan Goñi ibiliko dira saioak bideratzen eta zirriborrogintza (DOODLING) praktikatzeko ariketak eta erronkak jarriko dizkigute.

Norentzat?

Komunikazio arloko profesionalak, hezitzaileak, graphic recorder direlakoak, kontsultore artisauak, coach direlakoak, antolakundeetako buruak, talde- eta proiektu buruak, artistak, barritzaileak, filosofoak, poeta bisualak, ideologoak eta pentsamendu-lana izan eta marraztea gogoko duten kideak.

Izena-emateko eta: mezu bat bota eukenebarrenetxea@gmail.com. Matrikula: 20.00 €

Oharrak: ikastaroan emango den materiale bakarra, papera. Ekarri etxetik errotulkiak, lapitza, borragoma eta gura dozuna.  Giro lasaian ibiliko gara, jolasean ikasten. Jan-edanak ekarri eta merendola ere egingo dugu.

Pernan Goñi Arte Ederretan lizentziatua da eta Graphic Recorder dabil berrikuntza sozilaleko alorrean. Marrazkiak, komikiak eta animazioak ere egin izan ditu TB eta multimediarako.

Eukene Barrenetxea Soziologian lizentziatua da eta Psikologia Sozialeko ikasketa aurreratuak ditu. Bezeroarentzako zerbitzutan lan egin izan du industria arloko nazio-arteko enpresetan. Pentsamendu bisuala aurkitzea funtsezkoa izan da bere garapen profesionalean.

Zain gauzkazu!!!

Esker onak: Bilbao Ekintza; EUTOKIA berrikuntza sozialerako zentroa

Mereziko du, eta han egotekoak gara gu ere!

Ondo bizi!

Eleder BuM31    Buru-mapak-Espazio Irekia-Sormena  
www.burumapak.blogspot.com (eus)   @Eleder_BuM  (Twitter)

www.in-fluyendo.blogspot.com (esp) www.flowandshow.blogspot.com

http://bm31-liburuak.blogspot.com

http://www.bilbohiria.com/gaika/berbaz (irrati elkarrizketak) 

NICK PAYNE-en "graphic facilitation" ikastaroa Bilbon: Ek27

Duela hilabete batzuk Sunni Brownekin (Gamestorming) hasi ginen harremanetan. Parisen ematen ari da udabarria bigarren liburua idazteko bere baitara biltzeko asmoz...

Proposatu genion Bilbon ikastaro bat eman zezan, hurbil ginen tokiz eta gogoan, baina, azkenean, une egokiagoaren zain geratu zen kontua...

Eutokia-ko jendearekin izan ginen ere ideia lantzen eta haiek lankidetzarako oso prest...

Hara, orain Eutokiako jendeak berak proposatzen digu aukera aparta, (lan esparruetan, bileretan,...) berba egindako kontuak grafikoetara eta irudietara ekartzen ikasteko, NICK PAYNE-en eskutik. GRAPHIC FACILITATION eta GRAPHIC RECORDING kontzeptuak dira. Hemen matrikulari buruzko infoa.

Gai interesgarria eta bertan izatekoak gu ere, oba ez!

Ondo bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

MANTEL GAINEAN hezkuntzari buruz

sasoi baten mahaian marraztea zigortua, gaur egun sustatua,... 

argazkiaren iturria, Eutokiaren Flickr

"gosaria egingo dugu hezkuntzaren etorkizuna, hezkuntzak nola hiri zoriontsu baten osagai izan...

pentsatzeko. Bazatoz? Hezkuntzaren inguruan lanean gabiltzan pertsonak egongo gara, irizpide

desberdinak, bizipenak, ametsak ... partekatuko ditugu eta elkar piztuko...Besarkada bat! Ixi PG"

Margoak eta errotulkiak utzi dizkigute atzo Eutokian Fast Thinkers izenaz Ixiar Garziak egindako deialdian. Hamar bat lagun artean. Hasieran entzun, ohiko kontuak agertu, berriren bat ere bai, eta artean, horrelakoetan gehien balio izaten zaidana, piztutako edo gailendutako ideia batzuk. Entzundakoaren gainean eraikitako ideiak, argitasun apur bat gehiago. Horrek berpiztu gaitu bileran eta iruditzeko gogoa etorri. Ideiok merezi zutelakoan. Eta iruditzeak berak biziago jarri gaitu tokian iratzarri gaitu.

Alde bitako prozesua beraz: piztu , iruditu , piztu...

Gaur mezuen eguna izan da, eta honako lotura hauek gehitu zaizkio atzokoei:

- uztailaren 4-6 artean Espazio Irekian biltzekoak gara Donostian gaiari egun bi eta erdiz heltzeko, Hik Hasiren eskutik. Egintza planak eta taldeak ere agertuko direlakoan. Egunotan egosten ari gara kontua. Helduko zaizue gonbidapena, bai!
- lista de distribución gurasoak iniciativas interesantes de gente "enredada"
- duela gutxi gaiari buruzko idatzi bat bota dut blogean: Etxolaz. galderaz beteta, eta, bukaeran, irratian izan ditugun elkarrizketa entzungarri batzuetarako loturak
- eta "Little Boxes" Malvina Reynolds-en ahotsean hitzak eta guzti

Valnaloneko Ivánen aholkuak: 

... Gever Tulley-Tinkering School:  "5 dangerous things you should let your children do"

...Scrapstore Playpods.  Hitzak sobera omen.

...sakonagoa omen: "Growing up in a risk-averse society"

...Ian Gilbert - Independent Thinking TEDX Dubain "Why do I need a teacher when I've got Google?"
liburuaren egilea.
Beste solaskideek (Txelu, Miren, Eva,...) bidalitakoak hurrengo mezuetan
...Susana Tesconi hezitzailea. Edupunk!-i buruz: http://laboralcentrodearte.tv/detalleVideo.php?id=27298&id_cat=8
...(zemos 98) hezkuntza hedatuaren topaketa http://11festival.zemos98.org/ eta Sevillako institutuan egindako erreportajea:
http://11festival.zemos98.org/La-escuela-expandida-el-documental,1177
...Amasté-ren "Casitengo18"ko tailerretako materialak: http://www.casitengo18.com/es/materiales.html
...Denboraren ulerkerak: Zimbardoren azalpen bisual bideo honetan:  http://zonacg.com/el-secreto-de-la-percepcion-del-tiempo
 ...Tonucci pedagogo eta marrazkilariari elkarrizketa "La Nación"en:
http://enclasedecamino-materiales.blogspot.com/2010/08/francesco-tonucci-para-la-nacion.html
...Aldo Van Eycki (hirigintza eta umeak aztergai izan zituen arkitektoa) buruz wikipedian:
http://es.wikipedia.org/wiki/Aldo_van_Eyck
http://futurelab.org.uk/sites/default/files/Promoting_Transformative_Innovation_handbook.pdf

Beste kanturen bat gehiago?
Ondo bizi!

Eleder BuM31    Mind Mapping-Open Space Technology-Sormena

http://www.burumapak.blogspot.com/ (eus)   @Eleder_BuM  (Twitter)
http://www.in-fluyendo.blogspot.com/ (esp)   http://www.flowandshow.blogspot.com/  (eng)

ORAIN

Broklyn bridge, NYC: hor ageri den tipoa ez naz ni, baina gauza batzuetan bat egiten dugu: irrifarerako joera, eta betaurrekoak. Ziur aski, urte honetako aldaketa nagusia izan da niretzat. Berriro ere, ume-umetan bezala, eroso sentitzen naz "bidrioak" jantzita. Pasa dira nerabezaro luuuuze honetako lotsak sufrikarioak eta ordu gutxiago gabiltza orain lentillak jantzita. Idatzi honetan irakurritakoek ere lagundu zuten, beharbada,... ez, ka! lehenago ginen jada itxuraz mudatuak. Bai, ptqk aurkitzea ere oso polita izan da aurten:-)!

OHARRA: "gaur" dioen tokietan, 2010-12-16az ari gara

Zuri-zuri daukat orria eta ezer asko pentsatu barik idazteari ekin diot, premia bati erantzunez. Gauzak kontatzeko gogo handia izan ohi dugun horretariko une bat da. Ume batek egin zezakeen moduan idatzi nahi nuke orain. Datorrena datorrentxuan botata. Gero orrazketa labur bat egingo dut 5 minututan, egitura eta ordenari erreparatu barik, ortografia zuzentzeko soilik...

Mundakara bizitzen joan gara irailean eta aldaketa handia izan da. Oso pozik horregaz. Umeentzako espazio txikiagoa, zabalagoa, lasaiagoa, biziagoa, motelagoa, mantsoagoa,... komunitarioagoa ere esan nehi dut, antzeko aurpegiak ikusten ditugu egunero, 1000tik goratxu duen kostaldeko herri eder honetan. Pisu txiki baten alokairuan, eta handiago baten bila. Umeak pozarren, elkarlaguna (eskermila, Kirmen!) ere bai eta ni neu, zer esanik ez, aspaldiko urteetan txoko hori nuen eta bizitzeko kutuntzat... Olentzerorena ere egitekoa naiz eskolan, ez-ezaguna behar omen zen eta inor agertuez... :-)! Atorra jazten utziko ote digute neguaren ondarrean? Polita behar du izan!

Gaur BIlbon lo egitekoa, ama kili-kolo dabilelako. Iñigo laguna topatu gaur kalean eta Kiko Veneno ikusten joan behar dugula... ni, txuflara, batez ere, gorputzari astindualditxua eman, barre batzuk bota, aspaldiko lagunak aurkitu Kafe Antzokian,... atzo ere, patuak nolabait hurbilduta han izan ginen, eta a zer egonaldi ederra! Aurkikuntza asko bertan: VIctor Heredia goratu zigun Txileko Alek, euskal-diba ezagutu ahal izan genuen bete-beteko emanean larrosa zuriak bota eta bota jaikosaki tranpaldo gainetik... harik eta larrosa gorria agertu zitzaion arte. Hori botako ete zigun? Ka! Mantso mantso hartu, eta dotoreziaz jarri zuen bere hile mototsaren edergarri..., aspaldiko jendea eta jende barria,...

Goizean oso bilera esperantxagarria. Espazio irekiko dugu berriz ere, antza, laster han eta hemen. Gaur gaia definitzen ibili gara. 3. sektoreko behatokiak artea eta gizarte-bazterkeriaz mintzatzeko, amesteko eta sortzeko parada emango digu. Open Space Technology bilera-metodoa erabiliko dugu horretarako. Amasteko Ricardok deituta Eutokian izan genuen esperientzia ere polita izan zen. Eta hango hotsak entzundako beste lagun batzuk ere Espazio Irekiko bilera zabaltzeko deia egin digute Team Academy-tik. Gauzak berez-berez dabiz. Auto-eraketa.

EDE euskaraz gehiago aritzeari buruz oso elkarrizketa interesgarria Itziar Kerexetagaz. Laster euren eskutik buru-mapei buruzkoak.

Harrison Owenek urtean behin ikastarora gonbidatzen gaitu, Phil Coleman eta Karen Davis lankideekin New Yorken (hemen horren berri sakonago, programa barne). Han izatekoak gara ere bai, eta oso ilusio handia egiten digu horrek, Errekaduren bat egitea nahi badozu, esan lasai, eta egin-egingo dizugu, ahal bada:-)! Oraingoz, ideia bat nagusi. Brooklyn bridge delakoa polita omen eta bertan kitarraz kantari barriz be, beharbada?

Aldundia hasi ginen aldi baterako lanean. Hasieran baino gustorago orain. Blog esperimentala ere hasi genuen: http://www.funtziona.blogspot.com/, hango bitxitasun batzuekaz.

Ingelesez irakurri ahal duenarentzat. Hemen liburu interesgarri pilo bat. Baten baten interesa baduzu, eleder.aurtenetxe@gmail.com helbidera idatzi eta pasako dizugu (haietako batzuk ondo-ondo azpimarratuta, gainera :-)!

Treneko joan-etorrietan Byron Katie-k bidalitako "A thousand names for joy" liburuak ondo harrapatu nau egunotan.

Irratiko elkarrizketak alboratuta oraingoz, baina lehengoak hemen entzungai, eta otsailean ekiteko gogoz, aste birik behin, beharbada?

Asteartean Eugenio Moliniren tailerrean izan ginen eta merezi izan zuen. Gaia? Lan-talde eraginkorrak. Kakoa? Bakoitzarentzat zentzuzkoak diren zereginetan jardutea eta jendea borondatez hurbiltzea lantera. Gaur egun argi-argi ikusten dugu aspaldiko urteetan laino zitzaiguna. Betaurreko barriei esker ote?

Eguzki berritan gaude :-)!

Ondo bizi!

Eleder
BM31_ BILBAO: Mind Mapping-Open Space Technology-Sormena

• http://www.burumapak.blogspot.com/
• www.bilbohiria.com/gaika/berbaz (IRRATI ELKARRIZKETAK)
• http://bm31-liburuak.blogspot.com/

Twitter: @Eleder_BM

A, ahaztu barik, euskaraz buru-mapei buruzko doaneko hitzaldia Bilbon, urtarrilaren 20an. Esan lagunei, ea taldetxo majoa osatzen dugun :-)!

EUTOKIKO HORMAN BURU-MAPA

Amastéko Ricardogaz azken urteetan izandako hainbat elkarrizketaren ondoren sortu zen aurrekoan elkar-lanean aritzeko aukera.

Espazioa Irekitzen gonbidatu gintuen Txelu kideagaz, EUTOKIKO etorkizuna gai hartuta, jendearentzako deialdi zabala eginda eta bertan hainbat elkarrizketa interesgarri loratzeko tokia emanez.

Gainera,bertan hitz egindakoak buru-mapa batera eraman zuten I love my work eko lagunek (esker mila, MawatreS, Hodei eta Igor!), buru-mapagintzari buruzko oinarrizko kontu batzuk azaldu ondoren.

Goiko argazkiko buru-mapa hori atera zen. Lehenengo saioa izan da horrelakoetan eta denborak eta neurtzeko balio izan digu.

Ikasitako lezio batzuk:

• topaketa batean berba egindakoak laburzeko tresna aparta da buru-mapa
• egingo dutenek trebatu behar dira lehenik. Iruditzen jakitea baino askoz gehiago behar da: ideiak gako hitzetara ekartzeko gaitasuna, ideiak antolatzeko gaitasuna,...
• material egokia behar da: gutxienez 12 kolore, harbela erabiliko bada, pastel-klariona bereziak,...
• elkarrizketetan parte hartu duten jendeak irudia bera egiten integratzea aberasgarria litzateke,...

Alex Carrascosa datorkigu gogora, taldean egindako arte-lan ederrak bideratzen duen trebetasunagatik eta eskarmentuagatik,...

 Eleder

BM31: Mind Mapping-Open Space Technology-Sormena
www.burumapak.blogspot.com

www.bilbohiria.com/gaika/berbaz (irrati elkarrizketak)

www.bm31-liburuak.blogspot.com

Twitter: @Eleder_BM

EUTOKIA KO!NSPIRATZEN: etorkizuna espazio irekian irudikatzen

deialdirako datuak:

      ostiralean, azaroak 19, 16:00etatik 21:00etara

      EUTOKIA Boluetabarri Eraikina

               http://www.eutokia.org/

               Bilbo-Galdakao Errepidea, 10, 3.a - 48004 Bilbo

               Boluetako Metro eta EuskoTren geltokien ondoan. 

Mundakara bizitzen etorri ginen irailean ( ikus aurreko asteko olatutzarrak, udagoien ederrean! http://ttiki.com/19592), Bilbon lanean jarraitzen dugun arren. Lagun on baten mezua gaur...

"... Dana dala, zure izena agertzen da noizik behin, adibidez atzo lagun batek bialdutako eposta batean, EUTOKIA proiektuaren gainean. Zur eta lur geratu naz: eposta gaztelania hutsean eta web orrira sartu eta gauza bera. Zelan da posible?"

Erantzunean nire harridura agertzeaz gain, euskarazko bertsioa ere heldu egin zaidala baietsi diot. Hura moldatu (letra etzan urdinez) eta hona dakart orain.

Goiko IRUDIA: espazioa irekitzen gure burua prestatzeko egiten ari garen buru-maparen erdiko irudia. Bukatua dagoenean blog honetara ekartzekoa. Mila esker, Lan Ekintzako Cristina Lauciricari argazkiagatik!

Proiektuan lan egiten denbora luzea eman ostean, azkenean EUTOKIA hemen dugu, Lan Ekintzak bultzatutako Berrikuntza Sozialerako Bilboko Zentroa (bizitzan surfean jakin behar ei da ondo, eta hara nora heldu garen, aurrekoan beste hau idatzi eta gero :-). Leku ona, utopiaren eta errealitatearen artean, ideien, pertsonen eta proiektu ezberdinen konexio sortzailerako, elkarte-enpresa ekimenaren eta ekintza-hausnarketaren bitartez, giza garapenean lagunduz, gizarte zabalago, berritzaileago eta solidarioago batean elkarbizitzako asmo sendoa hartuta.

Aurkezpenerako tailer batzuk antolatu ditugu taldeka burutzeko (15 eta 20 lagun bitarteko taldeak. EUTOKIA aurkezteaz gain, denok batera proiektuari buruzko buru- mapa handi bat sortzea izango da helburua. Pertsona eta kolektibo ezberdinekin harremanetan jartzeko modu bat; beraien erantzuna edo feedbacka bilatu, konplizitateak, asmoak sortu, lor daitezkeen harremanak azaldu eta adierazi, sinergiak aztertu, landu daitezkeen gaiak aurreikusi, eta abar...

Jarduera guztien artean ostiralean, azaroak 19, 16:00etatik 21:00etara talde-tailer handi bat egitekoak gara, nahi duenak nahi duenean sar daitekeen Espazio Irekia izango dugu. Guztion artean EUTOKIKO etorkizuna irudikatzen jolastuko gara. Han izango gaituzue zain!
Gainera azaroaren 15, 16, 17, 19, 20an EUTOKIA ezagutzeko bisitaldi gidatuak izango dira. Interesa duzuenok e-postaz (info@eutokia.org) edo telefonoz (630 826 598 / 944 597 720) adieraztea duzue, taldeak osa ditzagun.

Agur bero bat eta eskerrik asko komunitate eutokiarratik!!

Horraino antolatzaileen deialdiaren moldaketa. Gu orain, buru-belarri Espazio Irekirako prestatzen.
Ondo bizi!
Eleder

BM31: Mind Mapping-Open Space Technology-Sormena

http://www.burumapak.blogspot.com/
www.bilbohiria.com/gaika/berbaz (irrati elkarrizketak)

http://www.bm31-liburuak.blogspot.com/

Twitter: @Eleder_BM

ESPAZIO IREKIA: OINARRIAK, LEGE BAKARRA ETA IRAGARPENA

Espazio Irekian (hemen Espazio Irekia zertan datzan, mundu mailako elkartearen webgunean) biltzean orma-irudi batzuk erabili ohi dira. Haietako batek, egun horretan bildu gaituen gaia jasotzen du. Beste batek, agenda egiten lagunduko diguten post-it sorta, eta post honetara dakartzagun beste 3 hauek espazio irekian lan egiteko modua laburtzen dute.

1. Espazio Irekiko 4 oinarriak: azken aldian (2012) honela jartzea dogu gogokoago:

4 OINARRIAK

1. Etorri garenak, jenderik egokiena

2.  Datorrena datorrela!

3. Hasi behar duen orduan hasiko da

4.  Amaitu denean, amaituta

2. Espazio Irekiko lege bakarra: ... eta kartel honetan tximeleta(k) eta erlea(k) margoztu behar genituzke ere bai...

3. Iragarpena: beste modu honetan gogokoago dugu... "Prest egon sorpresak biltzeko!" edo batzutan kartelean "Sorpresa !" testu hutsa margoztu ohi dugu, horren adierazgarri diren marrazkitxoen artean...

EUTOKIKO irekieran 3D BURUMAPA izango dugu Amasté-ren eskutik. Bertan izango gara espazioa irekitzen eta buru-mapa egiten laguntzen. Amasté-ko jendeari eta Ricardori bereziki, eskerrak bertarako gonbiteagatik eta kartel eder hauek paratzeagatik!

Ondo bizi,

Eleder
BM31_ BILBAO: Mind Mapping-Open Space Technology-Sormena

• www.burumapak.blogspot.com
• www.bilbohiria.com/gaika/berbaz (IRRATI ELKARRIZKETAK)
• www.bm31-liburuak.blogspot.com

Twitter: @Eleder_BM