IKASTAROAREN 1. EGUNEKOAK

Astelehena izan zen euskarazko buru-mapei buruzko ikastaroaren lehenengo eguna.

7 lagun izan ginen ikastaroan parte hartzen eta izena emandako beste 3-4 ere etorri ezinik.

Ikastaroa ahalik eta mugituena eta partehartzaileena izatea xede, edozein unetan galderak, iritziak, zalantzak, lasai botatzea eskatuta ekin genion, horrexek egingo zuelako ikastaroa interesgarriago.

Irudiko buru-mapa eder hau (buru-mapagintzaren oinarriak azaltzen ditu), Paul Foreman-i zor diogu. Oso blog interesgarria berea.

Buru-mapa sorta zabal bat izan genuen ikusgai, jendea etorri ahala ongi-etorritzeko.

Nork bere burua aurkeztu zuen gero, honako ariketa honen bitartez: 5 hitz eskatu: 1. izena; 2. ezaugarri berezi bat; 3. zaletasun bat; 4. gogoko web-gune bat; eta 5. gogoko txokoa. Elkarrengana apur bat hurbiltzeko aitxakia, eta elkar ezagutzeaz gain, beti zerbait ikasteko balio diguna.

Etorritakoen bat-bateko parte-hartzeari esker unean-uneko zalantzei eta iruzkinei erantzunez buru-mapei lotutako kontu garrantzitsu dexente izan genuen hizpide. Hala nola:

• buru-mapen jatorria, liburuaren historia eta bitxitasun batzuk
• egile diren Buzan anaiei (Tony eta Barry) eta "The Mind Map Book" (1993) idazteko prozesuari buruzko kontuak
• buru-mapen erabilerak: norberarentzat, jendaurreko azalpenetarako, talde-lanerako ,...
• ideiak irudien bitartez adieraztea eta norbere iruditegia sortzea
• egunerokoan arretaz ibili eta irudiak harrapatzea
• ordenagailuz irudiak nola bilatu, moldatu eta erabili
  
• iruditzeko erraztasuna eta iruditzearekiko aurriritzi kaltegarriak (umekeria da, "ni oso baldarra naiz horretan"...)
• espazio hutsa, garunaren lagun: garunak hutsuneak betetzera jotzen du. Ideia aasko nahi duzula? Paper zati handiagoa hartu buru-mapa egiteko! Ideia bat gogoratzen ez? egiozu toki huts bat adartxo bat eskainita buru-mapan eta etorriko da! Bai ote? Froga egin!
  
• egitura erradialaren onurak: beti gehiagorako tokia, egitura irekia, talde-lanerako aproposa,...
  

Horman itsatsitako ereduetan arreta jarri eta gero, aipatutakoak kontuan hartuta, nork bere lehenengo buru-mapa egiteari ekin zion gero ordu erdiz-edo.

Jolasaren ordua: binaka jarrita, buru-mapak egiteko arau eta aholku nagusiak eta horien zergatiak aipatu genituen. Arau horiek kontuan hartuta zer hobetu dezakegu egindako lehenengo buru-mapa horretan? Horixe da hurrengo zeregina. Zirriborroa hartu eta arau horiek gogoan izanda, buru-mapa berregingo dugu.

Etorritako lagun bik haien buru-mapa azaldu ziguten azkenik.

3 ordu luze eman genituen horretan, asko mugituta baina gelatik irten barik... Konturatu gabe joaten da denbora horrelakoetan.

Bigarren jardunaldia datorren astelehenean. Zeu ere gonbidatuta zaude. Aski duzu e-mail bidez abisua ematea eta animatzea... doanekoa da oraingo honetan, aukera ona! Lasai egon aurrekoan izan ez bazinen, ez da hori izango-eta arazoa hurrengoak ikasteko!

Honako hauek ditut buruan 2. egunerako...

• hitzak-irudiak ariketa: irudimena lantzen
• buru-mapa egiteko legeak eta arauak. aurreko buru-mapa berregin
  
• buru-mapa jendaurrean mintzatzeko tresna gisa
• buru-mapak talde-lanerako tresna gisa
• Mind Manager 5.0 aplikazioa instalatzea
  

A! Ikastaroan izan zinetenok, ba al duzue idatzi honi eransteko zerbait? Eskertuko dugu!

10 ORDUKO IKASTAROA EUSKARAZ BARAKALDON, URTARRILAREN 16AN HASITA, DOANIK

Buru-mapei buruzko 10 orduko oinarrizko ikastaroa, hiru astelehen arratsaldetan, urtarrilaren 16an hasita. Izena emateko idatzi eleder.aurtenetxe@gmail.com helbidera. 3 lagunentzako tokia dago oraindik. Jarraian xehetasunak:

Jende egokia: ikasle/irakasleak; profesionalak; jendaurrean mintzatzen direnak; sortzaileak, jakin-nahiak,... Kopurua: 8-12 lagun
Hizkuntza: euskaraz; ingelesa irakurtzen jakitea komeni
Noiz: 2009 urt 19: 16-19:30; urt 26: 16-19:30; ots 2: 16-19
Non: Parque los hermanos. Askatasun etorbidea 18, Barakaldo. Metroz, Barakaldo geltokira. http://www.barakaldodiscovery.org/como_llegar.htm
Inskribatzeko: eleder.aurtenetxe@gmail.com -ra mezua edo Greg-i deitu: 688.650.682
MATRIKULA: 0 €
Deskribapena: ideiak antolatzeko moduari buruz duzun paradigma aldatuko dizun teknika. Sormena garatuko duzu, jendaurrean mintzatzean izaten duzun estualdia gaindituko duzu... oso ondo pasatuz!
Esploratzeko: Google-en eta.... mind map edo mapa mental.

Ikastaroan, praktikatik jota, landuko ditugun gai batzuk: jatorria eta testuingurua; zergatik buru-mapak erabili; zertarako buru-mapak erabili; nola egin buru mapak: arauak eta egiteko prozesua; teknika honen abantailak; buru-mapak egiten: eskuz eta ordenailuz, banaka eta taldeka; ikasten jarraitzeko iturriak.

Ikastarora gustora etorriko litzatekeen norbait ezagutzen? Esaiozu, laster, ba, ez da opari txarra izango eta!

GAZTELERAZKO IKASTAROA AMAITZEAR

Hiru egunetatik bi pasatu ditugu jada buru-mapak zergatik, zertarako eta nola erabili azaltzen eta praktikatzen. Orain artekoak hausnarketarako ere balio izan dit eta bertaratutakoei oraindik zuzenean galdetu ez badiet ere, ondorio batzuk atara ditut, behin-behinekoak badira ere...

1. Buru-mapak ideiekin lan egiten duen ororentzat dira baliagarri.
talde anitza batu gara Barakaldon: ingeniaritzan lanean ari direnak, lan bila ari direnak eta jubilatuak; arte munduko jendea, berrikuntzan lan egiten dutenak zein psikologia arloan ari direnak... eta (ikastaroa bera nola ari garen gidatzen gora-behera) guztiei iruditzen zaie erakargarria eta baliagarria.

2. Ikastaroa ahalik eta praktikoena izan behar da.
Lehenengo unetik, uste dut. Oinarri teorikoa norbere kabuz aztertzeko uztea komeni da. Bigarren eguna horretara bideratu dugu. Ahalik eta denbora gehien mapak egiten eta mapak egiteko teknika hobetzen. Garu Greg izan dugu bisitari eta hemen dituzue ikastaroan egin dituen argazkietako batzuk.

3. Oinarrizko ikastaroak 12 ordu hartu behar ditu gutxienez (zerotik hasten direnekin eta ikastaroa praktikara bideratuz gero.

Teknika ezagutzen eta erabiltzen dutenekin ikastaro espezifikoak egokiak dira taldekako buru-mapak, buru-mapak irakurketa-idazketarako edo buru-mapak jendaurrean mintzatzeko tresna gai hartuta, esaterako.

4. Ariketa xume eta polit bat:
jendeak irudi bidez adierazteko zail zaizkien ideia/kontzeptuen zerrendak osa ditzala. Zerrenda horiek horman itsatsi eta haiei begira, errotulkiak eskutan, bururatu ahala jendeak azaldu eta marraz ditzala ideia/kontzeptu horiek adierazteko iruditxoak... jolas entretenigarria eta guztion iruditegia aberasteko modu erraza!

Buru-mapen gazterazko lantegiaren hirugarren eguna urtarrilaren 12an. Eta 19an, Discovery World-en barne baita ere, euskarazkoa. Hor erosoago ziur aski, bigarren aldia izango dalako denbora laburrean eta euskaraz ibiliko garelako... Badira 6 izena emandako lagunak, baina badago tokia oraindik beste horrenbesterentzat ere... Laster horren berri hemen.

GAZTELERAZKO IKASTAROAREN INFORMAZIOA

Buru-mapei buruzko ikastarotxo bi enkargatu didate berriki. Barakaldon izango dira, 10 ordukoak eta urririk (0 €-ren truke) hara doanarentzat. Hemen duzu gaztelerazko ikastaroari buruzko informazio osoa. Euskarazko ikastaroari buruzkoa laster argitaratuko dut, baina jakizu arratsaldez izango dela urtarrilaren 19an hasi eta beste bi astelehenez, toki berean. Bide batez, euskarazkorako plazak badaude, eta azti ibili parte hartu nahi baduzu!

MAPAS MENTALES (MIND MAPPING)...

¡ORGANÍZATE Y CREA!

Curso de 10 horas

Colectivos: estudiantes/docentes; profesionales; orador@s; creativ@s, curios@s,... CUPO: 8-12 personas

IDIOMA: castellano, conviene saber leer inglés.

Fechas:17 Nov 08: 10-13; 22 dic 08: 10-13; 12 ene 09: 10-14

Lugar: Parque los hermanos. Askatasun etorbidea 18, Barakaldo. Metro: Barakaldo

http://www.barakaldodiscovery.org/como_llegar.htm

INSCRIPCIÓN:

( Greg: 688.650.682; : eleder.aurtenetxe@gmail.com

Descripción: Técnica que cambiará tu paradigma sobre la forma de organizar la ideas, que multiplicará tu creatividad, superarás tus malos tragos al hablar en público,... pasándotelo en grande! Explora: en Google...: mind-map, mapa mental

Algunos temas que trabajaremos en el curso desde la práctica:

• Origen y contexto
• Por qué utilizar mapas mentales
• Para qué utilizar mapas mentales
• Cómo hacer mapas mentales. Explicación de las reglas y del proceso
• Ventajas de esta técnica
• Haciendo mapas mentales:
• A mano y con ordenador
• individual y en grupo
• Fuentes para seguir aprendiendo

Egia esan, irrikitan nago ikastaro hauetan buru-mapei buruz dakidana zabaltzeko eta jendeari gai honetan zaletzen laguntzeko!

Ondo ibili,

Eleder

BIHAR HASITA IKASTAROAK BARAKALDON

BURU-MAPEI buruzko 10 ORDUKO OINARRIZKO IKASTARO 2.

Datorren astelehen goizean hasita eta beste bi goizetan izango da gaztelerazko ikastaroa Barakaldon. Euskaraz 2009ko urtarrilaren 19an, 26an eta otsailaren 2an arratsaldez. Hori guztia DISCOVERY WORLD esperientziaren barne (kontuz, bertan ikastaro bi hauei buruzko informazio okerra dago-eta).

Interesa baduzu, laster jakinarazi, 8-12 lagunentzako tokia dagoelako soilik. URRIRIK, DEBALDE aterako zaizu.

Erantsitako agirian agertzen dira xehetasunak.

Ikastaroan zehar e-postaren bitartez eta blog honen bitartez egongo gara harremanetan.

Eta antzeko ikastaro bat beste une-gune batzutan ematea nahi izanez gero, esan eta egingo dugu.

Ondo segi eta hartu besarkada gozo bat,

Eleder