Prefosta (2Zio)

Herri Urrats-era gonbidatzeko kanta aparta, Prefosta, 2Zio taldearen (@2ZIOrap) eskutik!

Bizi-2zi ;-)!

@Eleder_BuM

Atrezzo (Eneritz Furyak)

Hitzak: Badok-etik;   Eneritz Furyak Twitter.en: @eneritzfuryak

Attrezzo

Xingola beltzak begien azpian, 
doluz, doluz, 
huntza gora, paretetan, 
gure etxea makurtuz. 
Ura zuzendu nahi izanagatik 
itoz, itoz, 
larrua oztopo badu euriak 
ez du errukirik izango. 

Munduari errukirik ez genion 
inoiz izan 
maitale denak akastun bihurtzen direnik 
ez genuen ikusi nahi izan. 
Eta samaldaka galdu ditut letrak, 
xahutu zentzua, horri botaz errua 
halakorik ez dela esanda ere... 
nor ote, ni ote? 
Entzun dut dela rock and rolla 
bidea, eskola 
baina ez da berdin aurretik edo atzetik 
oihalari hamaika buelta eman dizkiot 
eta sutu naiz, menperatu nau, 
utzi diot hala izan dadin, 
berriz, berriz. 

Zein zurbilak diren sabaiak 
dotore jantzita, xuxurlaka profetak 
esanez ez dutela nire izena akordatzen 
esanez, esan gabe, gainetik begiratzen. 
Eten nahi dut haien zainetako 
attrezzo gorria, harrotasun basatia: 
denok baikara lekuko isil 
basamortua zaborrez bete dugu hain arin. 

Ikatzezko ozeano honetan. 

Banoa eta ez hegan 
oinak lurrean nahiago ditut 
adjektibo bakar batean ezin naiz kabitu: 
hizkuntzak mugatzen nau 
ideiak usteldu, gaur 
goizean jaiki naizenetik 
atzokoak hor dirau. 
Ezin dut eraitsi, ene itzala ebaki, 
munduak daramanaren antzera du etsi, 
onartu du amnesiak ez duela sendatzen 
ez dela gaitz errealik paper batez osatzen.

@Eleder_BuM

Maitatzea nahiago (Enekora)

Hitzak hemen jasoak, merzi!

Galdu naiteke,
baina gaur ere maitatzea nahiago dut.

Harresiak eraiki ahal ditut,
zubiak ere besoak bait ditut,
suaren garretan harri bihurtu,
baina gaur ere maitatzea nahiago dut.

Ez dizut zuri gezurrik esan nahi,
batzutan galdu egiten naiz.
Holakotan nahiko nuke arima arindu,
kantatu-dantzatuaz baretzen naiz.

Galdu naiteke,
baina gaur ere maitatzea nahiago dut. baina gaur ere maitatzea.

Pozik-pozik eta aske
– bizitzeko jaioak gara
Sintoniza dezagun elkar
bizitzeko jaioak

Zainetatik poroetara
– bizitzeko jaioak gara
Bihotzetik azalera
Aldatzeko behar etengabe honetan.

Galdu naiteke,
baina gaur ere maitatzea nahiago dut.

Pozik-pozik eta aske
– bizitzeko jaioak gara
Sintoniza dezagun elkar –
bizitzeko jaioak

Zainetatik poroetara
– bizitzeko jaioak gara
Bihotzetik azalera
Aldatzeko behar etengabe honetan.
Aldatzeko behar etengabe honetan.
Aldatzeko behar

Barnean ditudan
beldurren altzoan, norabiderik gabe noa itsasoan.
Gaur urari begiratzean,
ohartu naiz behar dudan hori ni naizela.
Izar handi hori, ederra ni naiz.

Uwon djele, djele-djele,
uworedje djeledje 

@Eleder_BuM

Lore etxean (Balerdi Balerdi)

Hitzak hemendik jasoak

Lore etxean biziko gara
hesi guztiak gainditu ondoren
Sasiz beteriko lur antzuetan
baratz berria landuko dugu.

Etxe zahar eta huts guztietan
mamu ikaragarri bat dago
espekulazioa da bere izena
saia gaitezen hemendik uxatzen

Lore etxean biziko gara
amets zaharrak burutu asmoz
nork bere nahia egin dezala
nor bere jabe izan dadila.

Hiri zahar eta triste honetan
jaun eta jabeak gehiegi dira
Hutsik dituzten etxebizitzak
nola edo hala okupa ditzagun.

Lore etxean biziko gara
lore artean loratu asmoz
amets zaharrak haziko dira
Baratz berrian zeruraino Lore Etxean 

Atzo gozatu ederra Kafe Antzokian, merzi!

@Eleder_BuM

Insumisioarena (Jon Sarasua eta Oskorri)

Jon Sarasuaren bertsoak, hemendik jasoak:

Postari zintzo horrek 

zer dakar karpetan? 

Amodio gutunik

etzegok hiretan. 

Militarren ohar bat? 

Bitxia benetan! 

Bidali duenari

eramaiok bueltan. 

Natural sentitzen dut

egiten dudana

eta natural egin 

sentitzen dudana. 

Intsumiso egin naiz 

horixe da dana 

ahaztu gabe guztioi 

muxu handi bana. 

Nigarrez hari zara 

ama maite hori, 

ba omen nuen beste 

aukera ugari. 

Nola obedituko

diot eroari, 

ez badizut jadanik 

obeditzen zuri? 

Natural sentitzen dut

egiten dudana

eta natural egin 

sentitzen dudana. 

Intsumiso egin naiz 

horixe da dana 

ahaztu gabe guztioi 

muxu handi bana.

Ene kolega maite 

beldurtia haiz hi 

aholkuak ematen 

ez hadila hasi 

kartzelara noala 

diostak itsusi 

etor hadi bisitan 

txorizo ta guzti. 

Natural sentitzen dut

egiten dudana

eta natural egin 

sentitzen dudana. 

Intsumiso egin naiz 

horixe da dana 

ahaztu gabe guztioi 

muxu handi bana.

Funtzionari zoli 

ene kartzelero 

juezen sententzia 

txikien borrero 

ezin nauzu hain errez 

bihurtu numero 

kantari esnatzen naiz 

goizero goizero 

Natural sentitzen dut

egiten dudana

eta natural egin 

sentitzen dudana. 

Intsumiso egin naiz 

horixe da dana 

ahaztu gabe guztioi 

muxu handi bana.

https://twitter.com/jonathanmartinz/status/962276324348964864

@Eleder_BuM