MaiteMuhinduz (Mai 1-4; Astra-Gernikan). Talde eragilea zabaltzen. Zu ere bai?

Invitación en Español

http://maitemuhinduz.blogspot.com.es

Kaixo!

Maitasuna, maitasun- eta sexu-harremanak, osasuna, plazerra, sexu-joerak, heziketa, historia, gizartea, gorputza, maitasun adierazpenak,...

• Nola bizi ditugu kontu horiek?
• Zelako lotura dute politika, eremu publikoa eta gizartearekin? 
• Zer egin dezakegu maitasun-bizia suspertzeko?

Gai horiek eta ingurukoak buruan, 3 eguneko topaketa publiko eta zabal bat (Astra-Gernikan, maiatzaren 1-4) antolatzen ari da Auzolan EH-ko jendea, MaiteMuhinduz izenarekin. Gune Irekiko metodoaz jardungo gara, oso modu parte-hartzaile, armoniatsu, sormentsu, sinple eta eraginkorrean,... 

Talde eragilea bi aldiz batu gara, eta jende-multzo zabala gabiltza lanean jada, 10 lagun inguru. Eta are zabalagoa izatea nahi dugu. Gaiari ertz guztietatik heltzen dion ahalik eta talderik dibertsoena (edadez, sexuz, tendentziaz, ikasketaz, ogibidez, jatorriz, pentsamoldez, sexu-joeraz, jardunez,...) osatu nahi dugu, topaketa benetan emankorra eta indartsua gerta dadin. 

Gogoko duzu gaia? Parte hartu nahi duzu hasiera-hasieratik, eraketan eta kontu hau zabaltzen? Oso ondo etorria, ba!

Antolaketa eta logistika kontu nagusiak diseinatuta dauzkagu jada. 

Gonbidatze-prozesuan gaude orain, gero eta beteago. Eta hurrengo bileran (topaketa baino 4 aste lehenago izatekoa, apirilaren 5ean) MaiteMuhinduzen berri bazter guztietara zabaltzeaz arduratuko gara. Hasi Gernikatik bertatik, Busturialdera eta inguru zabalera. Gai honi buruzko honen topaketa sakon eta zabala aukera galanta delakoan, informazioa interesa euki dezakeen jende guztiarengana heltzea da gure gogoa. 

Bloga, eposta, telefonoa, ahoz-ahokoa, Twitter, lagun arteko kafeak, elkarte interesatuei deiak, komunikabideetan azaldu, jende biderkatzaileekiko bilerak,...

...galdetuz beti: "nori gehiago heldu behar litzaioke MaiteMuhinduzerako gonbitea?"

hara gonbidatze prozesuaren mamia: gai honetan interesa duen jende guztiarengana heltzea amets eta jardun bizi!

 Atsegin eta esperientzia ederra ekarriko dizu talde horretan parte hartzeak. Zabal-zabalik dituzu ateak! 

                                             

MaiteMuhinduz, talde eragilearen 3. bilera

Apirilaren 5ean (larunbata) 11:30-14:30 (puntual hasteko gogoz)

ekarri hamaiketakoa?

Astran (Gernika)

Nori gehigago heldu behar litzaioke mezu hau? Esker mila zabaltzearren! 

     :::   #MaiteMuhinduz  :::

Mozu biribil bat!

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Masustak janez (Procastination, let go, self-organization)

Argia, ederra pieza Ruperren eskutik, 
maitasuna, baikortasuna,... eta #procastination! 

Argia,

egun berria,

udan goizik egunsentiko

argia.

Gaua badoa

eta zure izenez dator

eguna.

Eguzkia heldu da

eta zure alaitasunez

argia.

Ilun dena

argitzear da

hau goiz berri bat zurekin.

Masustak janez

bide alboko sasitik,

goiza ahaztu da

egin beharrekoaz.

Eta munduan

beste asko lez

beti betiko

iraun zuen

argiak.

Negarrak, nekeak

ilunpean gorde zituen

argiak.

Soilik ziren onartuak

amaiera goxoko istorioak,

zeren eta ilun dena

argitzear baita,

hau goiz berri bat zurekin.

Masustak janez

bide alboko sasitik...

Egunak poliki doaz

urruti egin beharrekotik (neure menditik).

Goiz berri bat zure ondoan

eta ilun dena bazter utzi...

Hitzak, hemen jasoak

Kantua entzun gura? Grooveshark-en aukera: Argia.

Hertzainen "arrautz bat pinu batean"-era 
eraman gaitu kantu horrek...

umorea, alaitasuna, kritika argi  #Procastination, 

"...arratsalde osoan siesta bisiesta/bizietan!!!"

Gozatu!

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Geuk! Guk gure kulturaz. Gune Irekikoa Landakon (Durango) 2014-II-27an

Ricardok (ColaBoraBora) bidali barri, GeuK gune irekirako sortu barri duen irudia, ederra!

Iñigo Retolaza, fazilitazio prozesua bermatzen; Gotzon eta Sergio gonbidapen-testua editatzen eta sareratzen, Olatz, Aitor, Alberto, Amaia, Iker, ...

Ze pozik, holangoetan suertatzen zaizkigun bidelagunekin!

Bai, otsailaren 27an (9:30-18:00) Landakon (Durango) GeuK (guk gure kulturaz) Gune Irekia. Hemen gonbidapen testua eta informazio gehiago.

Eta gogora datorkigu: duela urte pare bat antzeko gai bati heltzen zion topaketan parte hartu genuen (gaia: Euskal Herriko mugimendu artistikoaren etorkizuna), benetan gustura! Donostiako DoKan izan zen, bertako Jokin (xPressionk!) eta Xabi Mínguezek gonbidatuta,...

Hemen dituzu ordukoaren gonbidapen-testua, txostena eta bideoa. Bideo hori berriro ikusita, holakoetarako ideia on hori jasotzen dugu: Egunean zeharreko irudiak hartu eta bukaerako hitz borobilan esandakoen zipriztinez bukatu.

Gora bihotzak!

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Ezkurrak biltzen

Auzolan from Gorka Arrien Urberuaga on Vimeo

Auzolan ekimenaren III. topaketa (hemen programa, eta hemen Leire Saituari ondoren Hitzako Urtzi Urkizuk egindako elkarrizketa argigarria) biribiltzeko ezkurrak biltzen izan da lagun talde bat.
Auzolanzaleak: pentsalariak+jardulariak, hori, hori!!!

Eta kanta eder hori? Zeindde?

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Mutiloa eta Zerain eskuz esku etorkizunari begira: zer eta nola? Gune Irekia (Open Space)

Mutiloa+Zerain eskuz esku etorkizunari begira: 
zer eta nola?

 2012ko udazkeneko ZHE (Zerain Herri Eredua) topaketaren ondorioz, 
beste Gune ireki bat, Zeraingo Oiharte sagardotegian, 
2013-X-19an (larunbata) 

• Mutiloa eta Zerain, Goierriko bi herri txiki elkarren ondoan, 500 lagun inguru, hain gertu eta horren urruti! Elkar ezagutzen al dugu?
• Zer egin dezakegu elkarlanean bi herrietako beharrak, nahiak eta ametsak lortzeko?
• Nola hobetu bi herrietako zerbitzuak, azpiegiturak, ekintzak,…?
• Zer elkarbanatu epe motzera? Zer epe luzera? Proiektu berriak sortu al ditzakegu?
• Nola indarrak gehitu, nork bere nortasunari eutsiz?

Galdera hauek eta beste asko mahai gainean jarri eta denon artean erantzuten saiatuko gara. Mutiloar, zeraindar, herri txikitar zein mundutar, kontu hauetan zaletua bai?

Zatoz zu ere, bada, solasaldi zabal, emankor bizi eta atsegin honetara! Oso ondo pasako dugu, jende berria ezagutuko, lan egiteko modu berriak,...

NON: Oiharte sagardotegian (Zerain, mapa)

NOIZ: Urriaren 19an (9:30-18:00), larunbatean

IZEN EMATEA (urriaren 17rako): telefonoz edo e-postaz:

-         Mutiloa: 943.800.450 / mutiloa@udal.gipuzkoa.net

-         Zerain: 943.801.724 /  zerain@udal.gipuzkoa.net

EGITARUA:

9:30-11:00 Harrera gosaria eta agenda osatzea

11:00   1. solasaldiak               - hamaiketakoa -

12:30   2. solasaldiak

14:00 – bazkaria sagardotegian bertan, aukeran (25€), trikitixaz lagunduta

16:00-18:00 - 3. solasaldiak eta itxiera

Umeekin etorri nahi? Primeran! Toki egokia paratuko diegu, eta garenon artean zainduko ditugu.
Parte hartu ahal izateko beste premiaren bat bai? Esaiguzu lasai!

Zeraingo udala       Mutiloako udala

*************************************************************************

Gune irekiko (open space) topaketa izango da, bizi-bizi eta sormentsua. Bertan... 

- Nahi dugun gai eta jarduera oro proposatuko dugu 

- Gai horietaz mintzatuko gara nahi bezain sakon 

- Solasaldien idatzizko txostena osatuko dugu bertan garenok


"8 orduko hizketaldira,... luzetxo, ez da?" 
Edozein unetan sartu/irten lasai, 
eta gu oso gustora zure etorrerarekin!



@Eleder_BuM    
www.burumapak.blogspot.com  www.flowandshow.blogspot.com  http://in-fluyendo.blogspot.com.es
www.bilbohiria.com/irratsaioak/berbaz