EGUZKADI TROPIKALA ;-)

Bideo honek irria atera digu puntuan (gure etxean, berba horrek, duela oso-oso gutxi esan nahi du). Aspaldi Bilbotik oso gutxitan ateratzen gara (udaleku kutunetakoa Olabeaga dugu... pentsa), baina inoiz inora joan behar balitz, Armintza toki polita, ez da?

Non agertu zaigun bideoa? MORE JAIA taldearen espazioan! Egun baten horrelako rave batera joan behar gara!

Geroxeago ohiko ideia bat etorri zait, horrelakoetan gertatzen ohi zaidanez, gozoa mingostuz. Kasu honetan ere, "protago"ak gizonezkoak. Musika munduan ere oso nabarmena da hori. Hau dena aldatu nahi nuke! zioten Hertzainek... eta ziur aski norberaren rola aldatuta hasi beharko...

Musika munduan kontrapuntua jartzeko Amaren Alabak etorri zaizkigu burura. Oso gustora entzuten diegu (azken aldian, Deustuko Unibertsitatean, txoko polit batean, udabarrian). Eurek "a capella" egitea dute eta antzeztuz. Horri guztiari ezin hobeto deritzogu. Musika mundua oso dagoela eredu industrialaren menpe iruditzen zaigu-eta (elektrizitatearen menpe, aurre-prestaketa lar eta inprobisazio gutxiegi, artista-guruak Vs. jarraitzaile "itsuak"; kontsumo-aisialdi pasiboa sustatzen,...).

Haien bideo bila jo dugu sarera, eta harribitxi hau aurkitu... suak!