2016/06/05

Bihotz begiekin (Ruper Ordorika)


Hemen Ruperren 2001eko kanta ederraren hitzak:
Begira sorlekuari
Zertan da neure herria.
Zenbat lagun bizi ote ziren
Mundu honekin bat eginda?
Harri landuaren azpian
Zer zegoen garai batean?
Urek ere ezin zehatz esan
Erreka nondik nora doan.
Santutxoaren aurreko ezkia ere
Betirako behar nuen.
Motozerra entzute hutsak
Mina ematen dit barruan.
Murgixako kaltzadan gora
Hura zerura bidea.
Porlanezkoa da gaur egun
Berdindu dute, galdu da.
Oi aurrerabidean
Hainbat gauza bazterrera bota.
Kaltzadak, zuhaitzak, etxeak,
Neure bidean zeudenak.
Ni ote naiz lur pusketa hau
Bihotz begiekin dakusana?
Ni nonbaitekoa naizela eta
Pozik dabilen ergela?
Ongi izatearen gurpila
Gelditu nahi duen nagia?
Urrezko kaiola ederrean
Bizi nahi duen adixkidea?
Oi aurrerabidean...
Gogoa+argia


@Eleder_BuM

pd. LETRA TRADUCIDA (Con los ojos del corazón)

Mira al sitio donde naci
De donde proviene mi pueblo
Cuanta gente viviria antes?
cuando el mundo estaba ya echo?
Debajo de la tierra ya sembrada
Que habia en otro tiempo?
No te sabria decir ni siquiera si habia agua
Que trayecto lleva el rio
La camapana de alante de Santutxo
la necesitaba para siempre
el ruido de las motosierras
me hace daño por dentro
Subiendo por las calles de Murgia
es el camino hacia el cielo
hoy en dia es de Porcelana
da igual ya se ha perdido
tirando tantas cosas...
Calles,arboles,casas...
los que estan a mi lado
sere yo este trozo de mundo?
el que mira con ojos de corazon?
yo se que soy de algun lado
el inutil que esta contento?
la rueda de la felicidad
quiere parar?
quieres ser el amigo que vive en una jaula de oro?

2016/05/31

1. Ibilaldi #Peripatetik oa. Mundakatik mundura


Egun on! Ekaina edo bagilaren 3an Mallona Alkatearen parke txikian (Txorrokopuntakoan, arbola arteen) lotu gara 6etan. Gero herrian zehar ibiliko gara: 1. Ibilaldi Preipatetikue dator!
Ahoztar be gugaz egotekoa da, eta holan kontau ahalko deuku zelan joakon liburuakaz (irakurri dozu kutxabankekue)?

Mundakan be kontu ugari dekoguz zetaz berba ein, eta txiri-txiri pasioan atarako da holangon bat be, segurutik,ZdUko lagunez gain, herriko xelebre eta ilustre ugari batuko ei da-eta!

Si has superado el susto del título y llegado hasta aquí, ya sabes: 
  • todxs invitadxs al Paseo Peripatético, viernes 3 de junio, a partir de 18.00 en Mundaka, (parke txikia, Txorrokopunta). Gran ocasión para aprender cosas interesantes acerca del mundo y Mundaka de forma divertida y participativa. +info: 638  733   223. Tráete las gafapastas de cultureta :) y algo para merendar. ¡Pásalo! 
Hori bai, umore alaiz ibili gura dogukantuen eta soinuaren laguntzaz, ahal dala. Behean adierazota, ek3koa egiteko beharrizan batzuk.
·   Gatom hip-hoperua gugaz Bermeotik. Gitarrajoleren bat gura genuke beragaz bat. Baten bat prest?
·      Koplatan Aitor Estebanez batuko jaku Mungialdetik. Soinulari Jon datorkigu Gerniketik.
·      gurditxo polit bat be gura genduke eroan, bertan generoak be eroan ahal izateko. Baten batek, uzteko moduan?

Zera, bai, ekarri jan-edateko zeozer merixendarako. inportantia :)!

Bertsoa be bota doskue LiliBertsotik (Astra Gernikan batzen dire), Antton Gorriñok. Esker mila!
guzurrak izaten dau
sinesle fidela 
propina txikiakaz 
beterik sakela 
ta jakin gura eza 
da egi krudela 
hemen lapur kontuan 
altu dau nibela 
kanpotik txukuna ta 
barrua ustela

Eta ze egoki gaur egun be aspalditxuko Atxagaren “Zenbait bertso xelebre”. Baietz?


pd. mila esker laguntzagatik eta deialdie zabaltzearren mundakar eta mundutar orori!


2016/04/12

Zubideiak Gune Irekia, Mai7an Leioan (bizikidetza, aniztasuna eta euskera mintzagai)

Texto en castellano aquí.               Texte en français ici.


Bizikidetza, aniztasuna
ta euskera dakar gidoiak
Zenbat ertz, sentipen t´aukera
astindu ditzakeen gaiak
Gune Irekia izango danez
bertan ziur "subidoiak"
Maiatzaren 7an erdu Leioara
goza Zubideiak (bis)

Zer aukera ematen ditu euskarak elkarrenganatzeko? 
Nola aurrera egin?

Gune Irekia   
Leioa EHUn, 2016-5-7ean, 9:30.18:00
(Gazteleraz, frantsesez eta euskaraz)


Zenbat gara? Lau, bat, hiru, bost, zazpi? Zenbat hizkuntza? Zer egiten dugu?

Zer da euskara zuretzat? Zertarako balio dizu? Elkarrengana hurbiltzen gaitu euskarak ala elkarrengandik urruntzen? Zergatik ote? Nola gainditu ditzakegu euskara zubian ditugun oztopoak?

Zelako abantailak ditu euskarak, txiki, arin, eta irristakor izateagatik? Zer eta nola egin dezakegu aniztasunetik eta bazterretatik euskararen erabilpena handitzeko?

Zelako harremana izan behar dute euskarak eta Euskal Herrian bizi diren espainolak, frantsesak eta bestelako hamaika hizkuntzek? Zer egin dezakegu elkarrekin, euskara, bizikidetza eta aniztasuna oinarritzat hartuta, bestelako gizarte eredu baterantz urratsak egiteko? Kultura aniztasuna bistaratu eta eredu hegemonikoa arraildu nahi dugu. Eta arrail horietan hamaika lore eta landare erein.

Hitz egiten al dugu inoiz gureetatik urruneko kezkak iritziak eta oztopoak dituztenekin?  Horiexekin ere elkartu gura dugu oraingoan, bada, eta iritziak elkar-trukatu patxadaz, luze eta zabal. Zuk ere bai? Erdu Zubideiak Gune Irekira, egunbeteko elkarrizketa-gune autoeratu, sormentsu eta aberatsera!

NON? Bilboko Irakasleen Unibertsitate Eskolan (Leioa)
NOIZ? Maitzaren 7an (9:30-18:00). Edozein unetan sartu eta irteteko aukera.
IZENA EMATEKO: agiritxo hau bete, mesedez, (ahal baduzu, maiatzaren 2rako)
MATRIKULA (katerina barne):  10 €
Garestiegi zaizula? Jarri harremanetan, lasai, eta konponduko dugu.
ORDAINKERA: eskuz, tokian bertan
UMEEKIN ZATOZ? Primeran! Gozo-gozo zainduko ditugu!
HIZKUNTZAK: Gaztelera, frantsesa eta euskara, bizikidetza ariketa praktikoan.
Nolakoa izango da batzarra? Gune Irekiko metodoaz lan egingo dugu: oso lan-modu emankorra, parte hartzea eta talde-sormena errazten dituena eta energia gorakada eta ekintza ugari dakarrena.
. Nahi ditugun gaiak proposatu ahalko ditugu jardunaldiaren hasieran
. Gai bakoitzari heltzeko 90 minutuko tarteak izango dira
. Elkarrizketen inguruko txostena beteko eta bidaliko dugu guztion artean tokian eta egunean  bertan

Zubideiak. Euskara eta zu. Zubiak, bideak eta ideiak. Zuganantzako bideak. Euskara zubia sendotzeko, aberasteko eta betetzeko bideak, ideiak, bidaiak, bidaideak. Erdu Zubideiak Gune Irekira maiatzaren 7an!

Talde Eragilea: Unesco Etxea,  Euskadiko Gazte Kontseilua, Euskaltzaindia, Eusko Jaurlaritzako Enplegu eta Gizarte Politiketako Saila, Garabide, Euskaltzaleen Topagunea, Kontseilua, AEK, Seaska, Emigrados sin fronteras, Elhuyar, Emun, Banaiz Bagara, Joxemi Zumalabe fundazioa,  Aztiker, UEMA, Soziolinguistika Klusterra, Hobest Consultores, Kutxa Ekogunea, Eusko Ikaskuntza, Euskal Herriko Unibertsitatea, Gune Irekiaren Lagunak. 



Jasone Mendizabal

2016/03/15

Bidea luzea da, eta joan, beti zoaz bakarrik (Txuma Murugarren)

Bidea luzea da, bai
nahiz han-hemen batean den jorratzen
auzia bidaiaria izatean datza, osorik,
bete betean,
arnasarik galdu gabe zalantzaren osin beltzean.
Bidea luzea da.
Eta bide ertzean aldika bada zuhaitz bat
zenbaitetan xume, lerden bestetan,
erroak sakon, zaren lurra duzu sendi
zabal hegoak, ortzia duzu bizi,
oraintxe abaroleku, oraintxe amaigabeko mentura,
bidea luzea da.
Bidaia luze/laburra da,
poz eta minez zeharkatuta,
eta joan, beti zoaz bakarrik,
bidea luzea da, bai.
Atzo #Mieltxo Monfort-i omenaldi gozoa Kafe Antzokian. Artean Txuma Murugarrenen kanta eder hau entzun genuen be, Mieltxo eta bere bidaiak gai hartutako foto-muntaian.


Internazionala. Rafa Ruedak emana oso gozo eta dotore, han entzuteko aukera ere bai, Gabriel Arestiren hitzetan:
Zutik lurrean kondenatuzaren langile tristea,nekez ginen elkarganatuindazu albiristea.Gertatuak ez du ardura,jende esklabua jeiki,aldaketak datoz mundura,nor den herriak badaki.Oro gudura ala!Bihar izan dadinInternazionalapertsonaren adin.



Ez adiorik!

@Eleder_BuM