NOLAKOAK DIRA ESPAZIO IREKIKO BILERAK?

Espazio Irekiko bilerak zelakoak diren jakin nahi? Horra hor bideo argigarri bat: labur eta atsegina.

Hurrengo hilabeteetarako Espazio Irekiko bilera bi antolatzen eta bideratzen izango gara.

1. RETOS sarearen arrastiko bilera bat

2. HIK HASI elkarteak egun bi eta erdiko jardunaldira gonbidatzen gaitu (uztailaren 4tik 6ra Donostian), honen gai interesgarriari behar duen patxadaz eta irekitasunaz heltzeko:

"Hezkuntzaren etorkizuna amesgai, ekingai:

nola hezi behar ditugu hurrengo belaunaldiak?"

Laster hemen berri gehiago.

Ondo bizi!

 Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

BURU-MAPAK, idatzizko azterketetan lagungarri?

Aurrekoan IRALEn izan gara ikastaro-express bat ematen. Buru-mapak erabili euskara azterketetan agindu ohi diren idazlan horietarako. Idazteko gaia jaso eta 5 minututan di-da eskematxo bat egitea lagungarri izan ohi da idatz-jario aberats eta antolatua ekartzeko. Ariketa batzuk egiten ibili gara eta jardun horretan ari garela honako proezesu hau atera zaigu. Idazlanak arin egin behar lituzkeenarentzat lagungarri ote?

1. Kantitatea eta egitura: ideiak bizkor askatzea (datozen moduan bota behar ditugu suelto, bizkor, bildur eta lotsa barik,... )

Hor agertuko dira: adar nagusiak; azpi adarrak, adibideak,... Hau da, datozen heinean egitura osatuz joango gara. Eskemaratzeko modua:

• gako-hitzak soilik (hitz bakarra, adar/azpi-adar bakoitzeko);
• laburdurak erabili; ikurrak etorri zaizkizu? arin iruditu eta aurrera!
• egitura: testuaren hasiera eta bukaera (horiek biak ondo zaintzea komeni izaten da, irakurlearengan indartsu geratzen direlako) eta beste 3-4 adar nagusi.

2. BM errepasatu eta bertan, beste kolore bat/batzuk erabilita...

-egitura egokitu: ziur aski idatzi izan ditugun adar-azpiadarretan aldaketa batzuk bururatu zaizkigu, testua argiagoa eta adierazgarriagoa izan dadin. Beharbada, hiru adar nagusi genituen, baina guztiak adar nagusiago baten pean jartzea komeni litzateke,...

- sekuentziak adierazi (1, 2, 3, 4, 5, ...) zer ordenetan idatzi behar ditugu ideiok?

- hizkuntza aldetiko inspirazioak: euskaraz adierazterakoan zer hitz/esamolde,... etorri zaigu burura eskema errepasatzean? Horiek hitzez hitz edo laburtuta idatzi, eskeman, gero ahaztu ez egiteko

- asoziazioak: mutur urrunetan dauden ideiak elkarri lotu BMn, gezien, ikurren edo koloreen bitartez

Horrelako trantze bat pasatu behar duenarentzat balioko ahal du honek ;-)!

Eleder  
BuM31    Mild Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)  www.flowandshow.blogspot.com  (eng)
www.bilbohiria.com/gaika/berbaz (irratiko saioa)

Gaur egungo BeHIAk: hezkuntzaz hausnartzen komiki liburuaren aurkezpena

Gorka Velascoren blogean dauden ale ederretako bat

Arte Bizkarra Kulturgintzak jakinarazten dizue Ekainaren 4an  “Gaur egungo BeHIak. Hezkuntzaz hausnartzen” aurkeztuko dutela Bilboko Alondegian, Autoeditatuak egitasmoan. Lan hau Gorka Velascoren hirugarren liburua da. 

Deialdi honetan dena erromatarren antzera, “dena Neronek”.

Antolatzaileen hitzetan:

Autoeditatuen bigarren topaketa antolatuko dugu. Bertan, euren lan propioak argitaratzen dituzten artisten eta kolektiboen lanak aurkeztuko ditugu. Jardunaldi honen bitartez, interesdunei argitalpen baten sortze-prozesua ezagutzeko aukera bakarra eskaintzen diegu, sortzaileen eskutik gainera

Gorka Velasco plastika eta marrazketa irakaslea da ogibidez, eta artista zein komikigile lanbidez (baina arlo bietan merkatutik kanpo).

Liburu honek berrikuntza, sormena eta umorea ekartzen dizkio hezkuntzari buruzko hausnarketari, eta iruzkinek, azalekoak badirudite ere,  mahai gainean jartzen dituzte  sakonak bezain gordinak diren gaiak.

Tuitaren aurrekariak eta apaingarririk gabeko marrazkiak.

Adi ALHÓNDIGAKOMIK: Diseinuaren egoitzan mamia jarriko dugu!!.

Informazio gehiago:

artebizkarrakulturgintza@gmail.com ; ARTE BIZKARRA KULTURGINTZA; Txikerretxea - El Escandal 37; 48879 ARTZENTALES (Bizkaia); 637173805 - 946809264

Ondo bizi,

 Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

NOTAK HARTZEN

Ostiralean lan-bilera izan genuen. Hemen orduko buru-maoa. Gero eta erosoago egiten zait bat-batean buru-mapa itxuran notak hartzea. Praktika kontua.

4 koloretako bloigrafoa lagungarri izaten zait honelakoetarako. Egitura erradialaren abantailak nabarmenak dira. Gako-hitzak soilik idaztea: ahloku xumea eta itzel lagungarria. Berdin ikurtxoak eta marrazkiak erabiltzea.

Eta berrikusterakoan arin baten harrapatuko ditut bilera hartako hizpideak, konturik garrantzitsuenak, nire zereginak,...

 Pentsamendu irradiakorra gero eta barneratuagoa eta buru-mapak osatzea gero eta berez-berezago...

 Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

IKASTARO BAT PRESTATZEKO BURU-MAPA

Aurreko asteotan  buru-mapagintzarako sarrera ikastaroa izan dugu Bizkaiko Foru Aldundian.
Ikastaroa prestatzeko eta etorritakoei plana azaltzeko buru-mapa bat egin genuen. Laster berriro izango ditugu antzeko ikastaro batzuk eta irudi honi esker bi gauza gutxienez bai:

• konfiantza dugu xehetasun dexente bildu ditugulako (sarreran zer bota behar dugun, zer ariketa egin ditzakegun, softwareari buruz zer eta nola kontatu, ikastaroan zehar erakutsi nahi ditugun eta jarri ditzakegun bideo batzuk,...)
• denbora labur bat beharko dugu hurrengo ikastaroa prestatzeko eta ezer garrrantzitsurik ahaztu barik hobeto ateratzeko

Ondo bizi, bizi ikasi ;-)!



Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

IRUDIEN BILA... ZAILA AL DA? NOLA ERRAZTU?

Goiko hori aurreko astean Bizkaiko Foru Aldundian aurreko astean emandako ikastaroan egindako ariketaren argazkia. Esker mila Bea, Ane, Txema, Toño, Nagore, Itsaso, Txaro, Rafa, Nerea...

Edozein kontzeptu, ideia, hitz,... edozer adierazi dezakegu irudi baten bidez. Uste ohi dugunaren kontra... Lehenego egunean talde batekin lanean buru-mapagintza azalduz eta ohikoa: "baina, hori oso zaila da, zelan adieraziko dut irudi bitartez, homologatzea (edo jarri beste edozein hitz abstraktu)?"

Eta ariketa egin ohi dugu: "hara, egin berba zerrenda luze bat eta bota iruditzeko zailenak diren berbak" Taldekideei esaten diet bitartean,"hor dituzue errotulkiak eta marraztu, datozkizuen heinean hitz horietarako irudiak", eta berehala osatzen dugu harbela. Eta laster baten aurkitu dizkiogu hitz bakoitzari bere iruditxoak. Beti. Eta gainera, adibide zehatzoi orokorretik begiratuz gero, irudiak ekartzeko bideak. agertzen zaizkigu argi-argi. Kasu honetan ezkerraldean idatzita daudenak:

- asosiazioak: materiala den zerbaiti edo nire buruan dena delakoagatik dagoen istorioren bati
-letra-ikur konbinazioak eta horien deribatuak (izenak, adjektiboak, aditzak eta adberbioak bereizteko)
- egunerokoak: arreta bizia (zer mundu ederra denean!) nota-liburuska eta errotuak eskura. nork zioen trenari edo berandu datorren lagunari itxarotea aspergarria dela?
- lagunak: norberari bururatu ez, baina ingurukoei galdetuta, berehala datozkigu irudiak. Oso modu polita elkarrengana hurbiltzeko, baietz?
- Interneten bilatu: google images; yahoo; flickr,...

-....

Eta oso kontuan hartzekoa, kontu bat da irudiak burura ekartzeko gaitasuna (irudimena esan dezakegu) eta beste bat irudi horiek marrazteko gaitasuna. Azken honi buruz: aholku batzuk (my two pennies ;-):

• utikan lotsa! 
• egin eta egin
• zure barruko umetxoari bidea utzi
• irudi sinple, arin eta adierazgarriak egiteko gaitasuna hobetzeko liburu egile batzuk: Nancy Margulies, David Sibett, Sunni Brown,...

 Ondo bizi!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

MANTEL GAINEAN hezkuntzari buruz

sasoi baten mahaian marraztea zigortua, gaur egun sustatua,... 

argazkiaren iturria, Eutokiaren Flickr

"gosaria egingo dugu hezkuntzaren etorkizuna, hezkuntzak nola hiri zoriontsu baten osagai izan...

pentsatzeko. Bazatoz? Hezkuntzaren inguruan lanean gabiltzan pertsonak egongo gara, irizpide

desberdinak, bizipenak, ametsak ... partekatuko ditugu eta elkar piztuko...Besarkada bat! Ixi PG"

Margoak eta errotulkiak utzi dizkigute atzo Eutokian Fast Thinkers izenaz Ixiar Garziak egindako deialdian. Hamar bat lagun artean. Hasieran entzun, ohiko kontuak agertu, berriren bat ere bai, eta artean, horrelakoetan gehien balio izaten zaidana, piztutako edo gailendutako ideia batzuk. Entzundakoaren gainean eraikitako ideiak, argitasun apur bat gehiago. Horrek berpiztu gaitu bileran eta iruditzeko gogoa etorri. Ideiok merezi zutelakoan. Eta iruditzeak berak biziago jarri gaitu tokian iratzarri gaitu.

Alde bitako prozesua beraz: piztu , iruditu , piztu...

Gaur mezuen eguna izan da, eta honako lotura hauek gehitu zaizkio atzokoei:

- uztailaren 4-6 artean Espazio Irekian biltzekoak gara Donostian gaiari egun bi eta erdiz heltzeko, Hik Hasiren eskutik. Egintza planak eta taldeak ere agertuko direlakoan. Egunotan egosten ari gara kontua. Helduko zaizue gonbidapena, bai!
- lista de distribución gurasoak iniciativas interesantes de gente "enredada"
- duela gutxi gaiari buruzko idatzi bat bota dut blogean: Etxolaz. galderaz beteta, eta, bukaeran, irratian izan ditugun elkarrizketa entzungarri batzuetarako loturak
- eta "Little Boxes" Malvina Reynolds-en ahotsean hitzak eta guzti

Valnaloneko Ivánen aholkuak: 

... Gever Tulley-Tinkering School:  "5 dangerous things you should let your children do"

...Scrapstore Playpods.  Hitzak sobera omen.

...sakonagoa omen: "Growing up in a risk-averse society"

...Ian Gilbert - Independent Thinking TEDX Dubain "Why do I need a teacher when I've got Google?"
liburuaren egilea.
Beste solaskideek (Txelu, Miren, Eva,...) bidalitakoak hurrengo mezuetan
...Susana Tesconi hezitzailea. Edupunk!-i buruz: http://laboralcentrodearte.tv/detalleVideo.php?id=27298&id_cat=8
...(zemos 98) hezkuntza hedatuaren topaketa http://11festival.zemos98.org/ eta Sevillako institutuan egindako erreportajea:
http://11festival.zemos98.org/La-escuela-expandida-el-documental,1177
...Amasté-ren "Casitengo18"ko tailerretako materialak: http://www.casitengo18.com/es/materiales.html
...Denboraren ulerkerak: Zimbardoren azalpen bisual bideo honetan:  http://zonacg.com/el-secreto-de-la-percepcion-del-tiempo
 ...Tonucci pedagogo eta marrazkilariari elkarrizketa "La Nación"en:
http://enclasedecamino-materiales.blogspot.com/2010/08/francesco-tonucci-para-la-nacion.html
...Aldo Van Eycki (hirigintza eta umeak aztergai izan zituen arkitektoa) buruz wikipedian:
http://es.wikipedia.org/wiki/Aldo_van_Eyck
http://futurelab.org.uk/sites/default/files/Promoting_Transformative_Innovation_handbook.pdf

Beste kanturen bat gehiago?
Ondo bizi!

Eleder BuM31    Mind Mapping-Open Space Technology-Sormena

http://www.burumapak.blogspot.com/ (eus)   @Eleder_BuM  (Twitter)
http://www.in-fluyendo.blogspot.com/ (esp)   http://www.flowandshow.blogspot.com/  (eng)

ZUBIETA Flash Mob

Bideoa pasa didate eta zalantza handiak nituen ikusi ez ikusi, "flash-moda" eta informatika bidezko kontua ez jatalako oso erakargarri.

Ikusi ondoren, eta tartean berpiztuarazi dizkidan mamu guztiez landa (elektrizikeria, molde hierarkikoa denean zabalduta, eta arte munduan ere bai,...), bi sentipen nagusi:

      1. poza, pentsatuz, badirudi gauzak beste modu argiago, alaiago baten aldarrikatu nahi ditugula
      2. hunkidura/negargura (itoarazia :-( une baten baino gehiago, irudien indarraren erakusgarri.


Eta, (bertaratuen oroimenetik kanpo) grabatzeko helbururik gabeko antzeko asko egingo bagenu egunerokoan?

Ondo bizi,

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

Nola buru-mapak egin?

Berriki agertutako pieza eder bat, iMindMap software-a erabilita eginda, MAdMediatik bildua. Gaia: nola buru-mapak egin?

Asteburu on!

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com  (eng)

Ikuspegi komunitarioa gizarte indibidualizatuan? Espazio Irekirako deialdia

Egun on! Datorren asteazkenean, 2011-IV-6 Bilbon elkartzekoak gara, Bizkaiko Hirugarren Sektorearen Behatokiko Raúl Castillok sustatutako Espazio Irekiko (Open Space Technology) jardunaldian.Gaia: Nola txerta daiteke ikuspegi komunitarioa gizarte indibidualizatu baten?  Jarraian gonbidapena (hemen gazteleraz). Berbidaliko, mese, info hauinteresa izan dezakeenari?

Gaur egungo une sozialean, lotura komunitario asko sendotasuna galduz joan dira, eta gauza bera gertatu da erlazio-lotura askorekin ere. Batzuetan iraganaren hutsa sentitzen dugu, beste garai batzuetan ekimen berriak hazi eta egituratzen baitziren kolektibitate eta auzoetatik, edota familietatik ere. Errealitate hori gure erakundeetan ere izaten ari da eragina, gero eta handiagoa den eta gure lanari gero eta gehiago exijitzen dion eskariari erantzuterakoan.

Bestalde, errealitate horri ez zaio aukera berririk falta (komunitate birtualak eta 2.0. mugimendua, parte-hartze komunitarioaren eta partaidetzazko demokraziaren ereduen garapena, “zahartze aktiboaren” moduko partaidetza-paradigmen garapena…).

OTSBizkaiatik aukeren eta zalantzen itsaso horretan igeri egin nahi dugu, eta, beraz, hausnartzera eta kooperatzera gonbidatzen zaituztegu, beste gauza batzuen artean gai hauen inguruan:

• Zer gertatuko litzateke hirugarren sektoreak ikuspegi hori galtzen badu eta “afektatuta ez dauden” hirugarren pertsonen parte-hartzetik soilik egituratzen bada (profesionalak edo hirugarrenei laguntzen dieten boluntarioak)?
• Zer behar dugu ikuspegi komunitarioa gure jardueretan txertatzeko?
• Zer zailtasun aurkitzen ditugu alor batean baino gehiagotan esku hartzeko, hau da, ez pertsonekin soilik, baizik eta familiekin ere bai, komunitateekin, …?
• Zer ekintza konkretu gauzatzen ari dira norabide horretan? Zein dira gure arrakastak, zein dira gure errakuntzak?
• Ikasi ote dezakegu beste esperientzia batzuetatik? Beste eremu batzuetatik? Zer iruditzen zaigu deigarria, zer ekarpen egiten digute?
• Gaur egun, garbi ote dago komunitatearen definizioa? Zein dira esku-hartze komunitarioarentzat garrantzitsuak diren eragileak, gure erakunde eta/edo eremu bakoitzaren ikuspuntutik?
• Zer galdera egiten ote dizkiogu geure buruari komunitateekin eta auzoekin konektatzen saiatzen garenean, gure jardueretan inplikatu nahi ditugun kolektiboekin konektatu nahi dugunean?

Horiek izan daitezke galdera batzuk, baina espazioa sortuta dago zeuen galderak izan daitezen benetan garrantzia dutenak… jadanik sortzen ari diren galderak, eraldatzeko beharrak sortzen dizkizueten errealitateak, zailtasunak eta lorpenak, eta, zergatik ez, desioak eta etortzekoak diren errealitateak …

 Espazio Irekiaren Teknologia (Open Space Technology) arreta handiz diseinatu da ahalik eta parte-hartze eta sormen handiena lortzeko, modu autogestionatuan.  Azken 25 urteotan, arrakastaz erabili izan da munduko zenbait lekutan, 5 eta 200 pertsona bitarteko taldeekin. Edukia pertsona bakoitzak ekartzen duen parte bat da, eta emaitza ekarpen horiekin lortutako sorkuntza bateratua. Egunaren amaieran, elkarrizketa eta ideien laburpen-txosten bat eramango duzu zeurekin.

Lekua: Salón de actos de Bolunta Zabalbide nº 1, Casco Viejo, Bilbao

Antolatzailea: OTSBizkaia

Laguntzailea eta bideratzailea: Eleder Aurtenetxe (BM 31)

Eguna: Miércoles, 6 de abril de 2011.

Ordutegia: De 9:30 a 17:00. Comida incluida. (Se dará un tiempo para comer en el que se ofrecerá la oportunidad de hacerlo todos juntos, de manera sencilla, en el mismo local y continuando con la sesión) Haznos saber cualquier tipo de necesidad (alimentación, acceso,...) que consideres oportuno

Izen-emateak posta elektronikaren bidez: promocion@3sbizkaia.org

(Indicando nombre, apellidos, organización y datos de contacto –telf. o mail-)

       Raúl Castillo Trigo

Eleder BuM31    Mind Mapping-Open Space Technology-Sormena

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)  

www.flowandshow.blogspot.com  (eng)
www.bilbohiria.com/gaika/berbaz (irratiko saioa)