#ProgramaTUsarean Gune Irekia_api 24an Bilbon

#ProgramaTUsarean Zer egingo dugu sarean-en 2015ean?

Zer entzun, ikusi, ikutu, sentitu, dastatu… nahi dugu sarean-en? Gune honetan, zer gertatzea nahi dugu? Zelan antolatu programazioa? Zer egin gune hau norberaren eta auzoaren  beharren islada izan dadin? Ideiarik bai? FORO ABIERTO | GUNE IREKIA | OPEN SPACE | FORUM OUVERT sarean bere ateak zabaltzen ditu berriro udaberrian eta hori dela eta burubelarri gabiltza 2015eko programazioa sozio-kulturala  osatzen.  Elkarlaguntza eta parte-hartuz gune honen balioa eraiki dezagun denon artean. Apirilaren 24an izango den sorkuntza eta ausnarketarako foro irekian parte hartzera gonbidatuta zaude. Foro irekia auto-antolatua, parte hartzailea, sortzailea, armoniko eta xumea izango da. Denon artean agenda diseinatuko dugu topaketaren hasieran.  #ProgramaTUsarean delakoan zure intereseko gaiak proposatu eta gainontzekoek aurkeztutakoetan parte har dezakezu, baita zure proposamena zein ordutan nahiko zenukeen zehaztu. Talde txikitan eta ordubeteko 3 saiotan lan egingo dugu. NON: San Frantziskoko Udaltegian (Mariaren Bihotza plaza, z/g) mapa ikusi NOIZ: apirilaren 24an, ostirala, 16:00etatik 21:00era (sartu-irteteko aukeraz) 15:30etatik han izango gara zuen harrera egiteko Umeekin zatoz? Ederto! Zainduko ditugu Gurekin harremanetan jartzeko: sareanelkartea@gmail.com helbidera idatzi edo 676 39 59 55 / 609 37 09 94 telefono zenbakietara deitu eman izena sarean zer da? joan den mendeko 70. hamarkadatik Mariaren Bihotza Plazan kultura eta auzo elkarteek eutsitako ibilbide solidario, sortzaile  eta integratzaile bati jarraipena eman nahi dio. Proiektu sozio-kultural honen inguruan elkartu dira  San Frantzisko - Bilbo Zaharra - Zabala auzoetan diharduten  zenbait eragile sortzaile eta solidario. SAREANek aniztasun kulturalaz gozatzeko  gune ludiko, esperimental eta didaktikoa proposatzen du,  komunikazioa eta elkarbizitza ardatz izango duena. @Eleder_BuM