SORMENAZ EIBARREN

Argazkian talde handi bat OST bidezko bilera batean. Gu hamar lagun izan gara gaur, baina 2000 arte lagun bildu izan omen dira eta ondo funtzionatu. Parte-hartzea, eta parte hartzaileen askatasuna, grina, eta erantzukizuna giltzarri.

Gaur eta bihar sormenari buruzko ikastaroaren arduradun Eibarren, UEUren eskutik.
Bihar sormenari buruzko ideiak, bideiak :-) eta bideak zabalduko ditugu buru-mapa hau lagun, eta hemengo zirriborroko ariketa batzuk tartekatuz.
Gaurkoak asko mugitu nau. Lehen aldiz, Open Space Technology formatoa erabili dut gidari gisa. Tresna hori itzela iruditzen zait talde baten sormena bideratzeko.
Atzo ondoko mezu hau bidali nien OSTko zerrendakideei:

Hello, hello!

I just write some lines to tell you about my first Open Space experiences
that are taking place next days in Eibar and Bilbao:

1. Tomorrow I'll be facilitating an Open Space in Eibar. Some months ago I
proposed "Sormena Espazio
Irekian<http://ikastaroak.ueu.org/component/ikastaroak/ikastaro/47.html>"
(meaning "Creativity in Open Space") as a day and a half meeting about
creativity, in which we will be opening space tomorrow between 11:00 and
18:00, and this will be the main part of the meeting.

We will be keeping the OS in Basque language and I find it specially
fullfilling being so, as this kind of "avantguard" activity takes seldom
place in this ancestral but less used tongue of our country.

2. The 9th of July I'll be facilitating OS again, this time at home, in
Bilbao. It'll be a one day meeting to find financing alternatives for a
group of about 6 people that run 3 small freeware enterprises that deal with
computer security,...  Their projects are facing finance troubles and have
to rethink theim. They should have good alternatives soon as, otherwise,
they would be closing in September.

Regarding this OS, I wonder if opening space in Basque and Spanish language
would work OK and what I should take into account if I did so, something I'm
quite bended towards.

Ours is a diglosic community with everybody knowing Spanish. Around 50% of
potential comers are able to communicate in Basque. Having the space to do
so would be a kind  surprise and  inspiring for some of them. Having to
express themeselves in Spanish (one more time) would be the expected (and,
sometimes unconsciously, frustrating) thing for some of the comers,...
Besides, myself I'm someone that loves Basque language and doing stuff that
helps it reflourish...

I first knew about OS when I read Tom Atlee's book "The Tao of Democracy"
and it really stroke me. Some ten years have passed since and recently I've
decided to take it on and try it. Harrison's OST book, all these fantastic
people on the list-community ant the site itself are great support to
prepare something that is so much common sense, but so rare these days.

Whatever happens will be the only thing that could have happened, sure :-)!

Kind regards,

Eleder Aurtenetxe Pildain
BM31
www.burumapak.blogspot.com

BILBAO

Hurrengo mezu baten jasotako erantzunen berri eta OSTa egin eta geroko inpresioen berri. Oso talde jatorrak osatzen du OSTen e-zerrenda bizi hau. Espazio Irekian interesa duenarentzat, ikasteko toki polita hau ere. Eta bideozaleentzat, beste hau ere.

Ondo izan,

Eleder

XMINDERAKO SARRERA

XMIND: buru-mapak jendeari "pasatzeko" tresna egoki, libre eta debaldekoa: nola hasi

OHAR GARRANTZITSUA (2009-XI-17): DIRUDIENEZ, JENDEAK ARAZOAK IZAN OHI DITU XMIND INSTALATZEKO ETA HAREN WEB-ESPARRUAN ALTA EGITEKO (SIGN UP). AZKEN IKASTAROAN IKASI DUGUNEZ, "INTERNET EXPLORER" NABIGATZAILEA ERABILITA GERTATU OHI DA HORI. AHOLKUA, BERAZ:
1. (ORAIN ARTE INSTALATUTA EZ BAZENUEN), MOZILLA FIREFOX NABIGATZAILEA INSTALATU (doanekoa, hemen bidea: http://www.mozilla-europe.org/eu/firefox/)
2. MOZILLA FIREFOX NABIGATZAILEA IREKI, ETA BERTATIK EGIN POST HONETAN ESANDAKOA.
3. ARAZORIK BAZENU, KOMENTATU, EDOTA EMAILEZ GALDETU (burumapak@gmail.com)

1. Programa kargatzeko: http://www.xmind.net/downloads/

2. Programa instalatuta duzunean interneten konpartitzeko jarrita dauden buru-mapak gorde eta eraldatu ahal izateko (edo zuk egindakoak "igotzeko") urrats hauek jarraitu:

2.1. http://www.xmind.net/signup/ helbidean alta egin, eskatutako datuak betez

XMind ID: hor nahi dugun izena jarriko dugu, gure identifikatzailea izango da.
Email: gure e-maila. Horra bidaliko digute alta egin nahi dugula berresteko mezua.
Password: hor jartzen duguna izango da gure pasa-hitza XMind-eko kontua zabaltzeko.
Confirm: hor lehen sartutako pasa-hitza sartu behar dugu berriz ere.
Enter the TEXT,...: azpiko lauki horretan sartu behar dugu goian agertzen den testua.
* I AGREEwith XMind.net's Terms of Service & Privacy Policy: Ezkerreko laukitxoan klikatu behar dugu (baldintzak irakurriz zein ez)

Eta azkenik, eskuin behaldeko "SIGN UP" testuan kliktatuz.

2.2. Zure postontzira. Honen antzeko mezu bat jasoko dugu lehen jarritako e-mail helbidean:

"Dear Gentzane, Thanks for signing up for XMind. Click http://www.xmind.net/account/gentzane/confirm/42d8f957-9564-4763-ad9b-d9fcacb3f7f0 to confirm your email address. Or use the key: 42d8f957-9564-4763-ad9b-d9fcacb3f7f0 to confirm in your profile page. If the above link does not work, you can paste the url into your browser XMind Share is a great community for sharing mind map on the web. And it is REALLY USEFUL - you can upload, view, share and download mind maps on virtually any topic under the sun. -- XMind Ltd

• 2.2.1. Mezuko estekan klikatu (edo, ez balebil, mezuko helbide horretan sartu zure nabigatzailean).

2.3. BAIEZTAPENA: Validation Succeed dioen mezu bat jasoko duzu.

Mezu hori agertzen denean, http://share.xmind.net/ helbidean sartu eta bertako edozein buru-mapa gure ordenagailura bajatzeko moduan gaude.

2.4. Aurrerantzean, http://share.xmind.net helbidean sartzean SIGN IN egin eta gure kodea emanez gero, erabiltzaile gisa hartzen gaitu sistemak eta bertako edozein mapa bere azpian DOWNLOAD klikatuz gorde ahalko dugu gure ordenagailuan eta nahi dugun moduan eraldatu.

2.5. Berdin, XMind bidez egiten ari garen edozein buru-mapa internetera igotzeko modua izango dugu, goi-barrako UPLOAD sakatuz gero.

3.Hemen XMind-i buruzko oinarrizko azalpenak bideo-bidez: http://www.xmind.net/demos/

4. XMind-i buruzko zalantzetarako: Help Center, FAQ, User Forum eta Social Center

Izan untsa!

EMUNEKO IKASTARORAKO MATERIALA

Ikastarorako eskema badaukagu, XMind bidez eginda eta eguneratuko duguna. Eskema zure ordenagailura bajatutakoan, arinago ibiltzeko, erdiko irudiko buru-mapa eder eta handi hori kentzea komeni liteke.

XMind bidezko eskema ikusteko, zurera bajatzeko, eta bertako zirrikituetan ibiltzeko, hemen XMind-erako sarrera.

Eskemari buruzko oharren bat:

• Mapan zehar ibilalditxo bat egiteko, kontuan izan, adarren muturrean "+" ikurra badago, hor klikatuta, azpiadarrak agertuko dira. BEste ikur batzuek, artxibo, agiri, edo internet helbide baterako esteka adierazten dituzte.
• Bestetik, adar batzuetan, lerro batzuk dituen orrialde itxurako laukitxoak ageri dira. Horiei "Idazkiak" (NOTE) esaten zaie. Bertan klikatuz gero, testu luzeak agertuko dira.Ikusi, kasurako, goian aipatutako eskemako 3.NOLA adarrean, ARAUAK, agiri baterako esteka izateaz gain, idazki bat ere badauka itsatsita. Idazkia eskeman bertan dago, eta ikusi dezakezue. Agiria ezin duzue irakurri, nire ordenagailuan dagoelako.
  

Etziko ikastarorako eskaera txiki bat. Baietz izan, azken aldian edo azken urteetan deskubritutako zerbait jendeari aholkatzeko modukoa (edozer: irakurgaia, ikuskizuna, esperientzia, jantokia, w-esteka, proiektu... EMUNi lotutakoa edo ez)? Bada, ahal baduzu, gogoan hartu eta ikastaroan tarte bat hartuko dugu altxor batean sartzeko, buru-mapa gisa, jakina!

992 KARAKTEREKO MANIFESTUA

Gurean lar: dendak, objektuak, tabernak, betebeharrak, poliziak, funtzionarioak, kontzertuak, kultura-ekitaldiak, jantziak, jakiak, zarata, autoak, telebistak, ordenagailuak, eskolak, kartzelak, hospitalak, zegapotoak, etxeak, horiek guztiak ekoizteko eta elikatzeko enpresak eta lantegiak, lan-orduak, gehiegikeria hori puzteko "lana",...

Gurean urri: espazio hutsa, isiltasuna, berdeguneak, astia, artisauak, irrifarreak, bat-batekotasuna, benetakotasuna, sormena, lasaitasuna, bizipoza, ortuak, erreka garbiak, kanta-aldiak, maitasuna, ipuinak, oinezko bideak, laztanak, kolorea, lur hutsa, usaina, kaio-hotsa, bokazioa, elkarlana, trukea, ekimena, ametsak,,...

Nire hautua: barne-ezagutza eta -garapena, ondoen egiten dudana zorroztea eta eskaintzea, lana=bizitza, bat-batekotasuna, inguruari erne, zabalik, adi, emateko gogoz, patuarekin jolasean, amets egin eta ametsak gauzatzeko jardunari eman,

Zurekin, zuekin, agertuko direnekin.

Eta horretan ari gara. Eta horretan jarraitu nahi dugu.

EMUNEKO IKASTAROA PRESTATZEN

Kaixo, hurrengo asteetan Arrasaten elkartuko gara buru-mapei buruzko ikastarotxoan.

Ikastaroari lotuta nahi zenuketen edozer (galderak, nahiak, iradokizunak,...) aurrez adieraztera animatzeko idazten dut hau.
Laneko informazioren bat buru-mapa gisa nola landu zitekeen aztertzea nahi baduzue, bota lasai hori ere eta saiatuko gara!

Softwareari dagokionean, Mind Manager erabiliko dugu, nagusiki, Emunen programa hori erabili ohi dutenak egon bazaudetenez. XMind (sw librea) ere erabiliko dugu, hala ere. Hemen XMind programaren (sw librea) bidez egindako buru-mapa bat duzue, programa horrekin hasteko. Lehenago ere buru-mapak edo antzekoak egin izan dituzuenei gonbitea egiten dizuet XMind bidez zerbait interneten argitaratzeko (oso erraz egiten da).

Horretaz edozein zalantza izanez gero, blog honetan bertan iruzkinak eginda edo e-mailez jakinarazi ahal duzue.

Ikastaroa aberasgarria izatea espero dut, eta jakizue ikastaroa eta gero ere laguntzeko prest izango nauzuela

Ondo-ondo izan!

Eleder
eleder.aurtenetxe@gmail.com
www.burumapak.blogspot.com

io: Buru-mapei buruzko gauzak idatzita ditut blogeko ale zaharrenetan (2008ko urrikoak eta 2009ko udaberri hasiera arekoak). Blog honetako eskumaldeko etiketen bidez erraz aurkituko dituzue. Dena den, datorren astean ikastarorako bere-beregiko informazioa prestatzen ari naiz.

BIDEO-TXARTELA

Eleder´s vcard_2' from Eleder Aurtenetxe Pildain on Vimeo.

Eleder´s vcard_2' from Eleder Aurtenetxe Pildain on Vimeo.

Aurreko idatzian aspalditxuko idatzia atara dot armariotik. Beste ale hau barriagoa da, 2009-V-16an egina. Eta Mikeli (Maiatzaren biko kalean, Bilbon, sasoi baten POTTOKO antzerki-denda zoragarria zabalik izan zuena) esker egina, besteak beste.

Etxean, "zer unjobbing eta zer modernokeri/alperkeri dok hori?. Hasi hai lan bile, bai, aho asko jak-eta zabalik gurean, ñam, ñam. ñam!..."

Esanekoa naz, eta Funky Projects-en Hello Change aukeraketa prozesuan parte hartzen ari naz. V-card bat (bideo bidezko aurkezpen-txartela) grabatzeko eskatu digute eta, a zer aitzakia ederra aspaldiko gogo bati bide emateko!

Bide batez, holako gehiagotarako gogoz gabiltza BM31kook... :-)



Comment, please!

LAN-GAIA

Duela lau urte-edo, lanaren etorkizunari buruzko saiakera lehiaketa batean parte hartu nuen. Lanean orduan, nahiko ez-eroso nenbilen, sormenerako alde-aldi zailean, baina ni ere nolabait beldur "erosoaren" pean eta sormenari berea egiten utzi barik.

Patu ezizenez idatzi nuen pieza hau, patuak uste duguna baino gehiago agintzen duela sinistuta. Gaur beste modu batean idatziko nuke, ziur, baina konturatzen naiz idatzi hark nahiko ondo definitu zuela/deskribatzen duela neure gaur egungo lanarekiko harremana.

Beste esteka honetan "Bizi!" idatzia osorik, jatorrizkoari zuzenketa pare bat eginda.

BIZI! (beharretik lanera)

(lanaren geroaldia saiakera lehiaketan aurkeztua, 2006ko udan)

Schumacher College
han-hor-hemenka
Patu

0. ATARIKOA

- Amets Arzallusek: Egunean hamaika ordu lanean pasatzen dituztenak nola bizi dira?

- XAPREK: Lotuta. Nik lanari aurkitzen diodan alde txarra hori da, bizitza lotu egiten duela, bizitzen ez duela uzten. Niretzat lana polita da, lana egin beharra dago, baina bizitzen uzten duen neurrian. Orain tristeena da gazteak lanean hasi orduko erretiratzeko desiratzen daudela, zahartzea nahi dute, eta hori tristea da. Izan ere hamaika ordu egiten baldin badituzu ez daukazu disfrutatzeko denborarik, eta desiratzen zaude astea bukatzeko. Baina astea pasatzen da, segituan dator bestea, hura ere pasatzen da, eta esaten duzu: «Ea, baina nik bizimodu honetan zer?». Segituan bukaera ailegatzea nahi izatea bezala da….

- AA: Eta lanik egin gabe bizi daiteke?
- X: ...hemen langile fama edukitzea baino alferraren fama edukitzea hobea da. Langile fama baldin badaukazu denek lanerako deitzen dizute. Eta alferrarena badaukazu, inork ez dizu lanera deitzen. Ikusten duzu, niri denek jan eta edan egiteko deitzen didate! Eta jan eta edan gabe ez dago bizitzerik, lanik egin gabe bai.

2005-IV-4ko ARGIATIK (http://www.trikitixa.net/ )

1. GALBAHEAZ
Euskeraz, lana eta beharra hitzak bereizten ditugu. Beharra erabiliko dut behartuta edo gogoaren kontra, sarri diru truk egiten dugunari esateko. Lana, barruak eskatuta, gogoz, alaiki egiten dugunari esateko. Baita ere, norbaitek egitea merezi duen zeregin hori izendatzeko. Balioa eransten duena, ez alperrekoa, ez suntsikorra. Gaur egun, denerik daukagu: batzutan zementu grisarekin ari gara behar latzean, eta beste batzutan, berriro bizitzen ikasteko lan ederrean baita ere.


1.1. Zementu grisa
Aurreko asteburuan Bilbon auto lasterketak. Sandra argazkilaria beharrean ibili da. Haustuta bukatu du igandea (garai batean, jai-eguna). Kotxeen zarata, asfaltoa bero, batetik bestera 5 kilotik gorako tresneria lepoan 10 orduz… lau txakurraundiren truk eta kontratua noiz etengo dioten larri.

Biharamonean hiriko egunkari nagusian hamalau orrialde eskaini zaizkio gertaerari. Handiak gara Bilbaon. Irrifartsu agertu zaizkigu agintariak, arrakastaren bitsetan blai. Jon, Kosmar, Kari... Horiek, ustez, gizartea hobetzeko lanean ari dira. Hiria marka bihurtu eta herritarrei aberastasuna, turismoa eta beharra ekartzeko lanean.
Hauen ondoko argazkian Nuria azafata dugu. Europako instituzioek diruz bultzatua, aukera berdintasunaren aldeko joera geldiezina eta erabatekoa da lan munduan. Baina auto gidariak gizonezkoak eta azafatak andrazkoak genituen(ogibidez, besteak beste, ikusleen begiak alaitu eta haien ahoberokeriak barrez hartu behar zituzten azafatak). Eta Nuria minigonazko beharginaren hitzak: “oso ondo joan da eguna, pega bat besterik ez: guk ezin dugu belarrietan tapoirik jantzi nagusien aginduz eta zarata handia dago... Ez omen da estetikoa...”. Unerik zaratatsuenetan 130 dezibleiotik gorakoa, tinpanoak lehertu beharrean. "Business" saltsa horretan ere Athleticeko futbolari dexente (neska anonimoagoak alboan), mekanikoak, kazetariak, belarrietarako tapoien saltzaileak, ingeniariak, poliziak,... eta ikusle itsasoa.
Hori guztia XXI, mendeko informazio, komunikazio, nanoteknologia, robotika, zientzia, ezagutzaren, aisialdiaren... garai postindustrial galaktiko hauetan. Bilbaok horrelakoak behar ei ditu. Lana eta aberastasuna ekartzen omen. 140.000 lagun disfrutatzen, eta ondartzak beteta, karabana luzeak... uau, autogintzaren hornitzaileak gara nagusiki Bizkaian ! Atsedena hartu dugu asteburuan eta astelehenerako pilak kargatuta gaude. Amets on.
Eta… benetako balio erantsia ?
Konturatu, hitzek eta tituluek nahasten gaituzte maiz. Iraqeko auzoko baratzean lanean zebilen laguna langabezian zegoen, eta hura erahil zuen bonba bidalarazitako funtzionarioa efizienteki beharrean, aldi berean. Eta katedra eskuratzeko inongo lotsarik gabe plagioan eta azpi-jokoan dabilena behargin sinestu, mirestu, eta obeditua izan ohi da. Langile fin. Gizarteko eredu. Maisu. Gidari.
Larunbatean, Bilbon bertan Saúl Garate etorri zait kafea hartzen ari nintzen terrazara, ondoko aulkian jarri eta kontari hasi. Zubipean bizi dela azken urtean, emaztearekin banandu eta Bianatik etorria dela hona lan bila. Eraikuntzan ibili izan dela gazte-gaztetatik, Bilbaon daraman urtean lantxoren bat izan duela, baina hura ere laster bukatu zaiola, sinestezina dela zenbat lagun dagoen ezer gabe, zubipean, eta ez guztiak droga arazoak tarteko (horretan Caritas-ekin bat dator)...
Bestetik etxe aaaasko hutsik eta gobernarien hauteskunde aurreko eskaintza nagusietakoa etxebizitza gehiago eraikitzea lanpostu asko sortuz, gainera...

Zementu grisa.

1.2. Arnasa
Etxegintzan hau ere, Bill McDonoughek-eta zera proposatzen digute: naturaren antzean diseinatu eta eraiki behar dugu. Etxeak arbolen antzean eta hiriak basoen antzean. Ezer ez da geratu behar suntsitu beharreko hondakin moduan... Ehundaka lankide dira eta multinazional handienak bezero: http://www.forbes.com/home/manufacturing/2004/12/15/cz_ag_1215beltway.html.Wangari Maathaik azken Nobel Saria jaso du Kenia aldean lurraren alde aitzindari ibili izateagatik. Sosak jaso eta fundazioa sortu dute, lanean jarraitzeko.
Patch Adams medikuak Gesundheit Institute gidatzen du. Euren xede: dibertsioa, adiskidetasuna eta zerbitzearen zoriontasuna osasun arloko profesionalei berreskuratzea. Zer lan egiten duten? besteak beste, hospitaletako gaixoak barrearen bidez osatu.
Etxean bertan ere badira langile finak. Bilbon bertan Haurdun elkartea dugu. Haien lana, erditu behar duten andrak prestatu eta aholkatu. Soldatarik eta diru-laguntzarik gabe, bezeroak (doan) asebetez, ... lan isila baina oso arrakastatsua. Maitasunez egindakoa. Horiek interneten aurkitzea ez da horren erreza (2009an bai). Auzoan daude, kalean, panfletoetan itsatsita, ahoz-ahokotik helduko zaizkizu telebistako "prime time"-etik baino errezago. Donostian Kometak, jolas kooperatiboetan adituak, bertatik ogia eginez. Kultura aldaketan, hezkuntzan diardute. Tratuetan "nik irabazi, eta zuk ere, irabazi" pentsaera izan dezagun laguntzen.... Rezikleta.... Zeuk ere ezagutzen dituzu horrelako landareak, ez da ? Gaur bizi den etorkizuna dugu.
Tony Buzanek lankide-sare zabala eratu du jendea mentalki alfabetatzeko ametsak gidatuta, eta negozio sendoa dauka mundu osoan. Gero oparoa: ...eta zer esanik ez permakulturak. Lurraren diseinua omen da gakoa. Ondo diseinatuz gero, ahalegin txikia beharko genuke lurrak etekin ugaria emateko. Bizitokia, lantoki, oportoki. Armonia.
Eta horien guztien berri eman nahian hor ari dira Tom Atlee eta Rosa Zubizarreta. Co-intelligence kontzeptua proposatu digute: pentsa eta sor dezagun eurekin batera !


1.3. Laburtuz

Hitz potoloez (postindustrialismoa, langile porrokatua, barne produktu gordina,aurrerapena, ongizatea,….) eta aurre-iritziez ez gaitezen nahastu.
Gaur egun egiten ari garen gauza askok ez du (ia) deus balio. Are gehiago, suntsikorrak dira. Derrigorrez, uste okerrez, ez-jakintasunez egiten ditugu, komunikabideen propaganda zuritzailez eta banako batzuk hilero-hilero soldata potoloa jasotzeko. Ezer gutxi galduko dugu (gizarteak) behar horiek egiteari utzita.
Bestetik, jende mordoa ari da egun lan ederra burutzen. Sarri komunikabideen fokotik kanpo, ordainik jaso gabe, itzalpean, baina disdiraz lanean. Bezeroak berehala somatzen die, haiei entzunda.

Etorkizuneko lana oso anitza izango da, gaurkoa den moduan. Geuk sortuko dugu. Ez dago helmuga finkorik, baina norantza jo gura dugun aukeratu behar dugu. Orain. Bakoitzak.

Goian aipatutako bideetako zeinek egiten dizu kili-kili?

2. BILUZKETA

Burua biluztu dezagun...
...Agian, lan kontzeptua, beharra, enplegua,...ez dira irakatsi zaigun moduan ulertu behar. Agian ez dute prestigiatzen, desprestigiatzen baino. Agian ez dute katea izan behar, eta bai bizi-pozerako giltza.
...Agian ez dugu asumitu behar bizitza gurutz-bidea denik eta bai pozez onartu ospaketa izan daitekeela.
...Agian medikua oker dago, eta irakaslea, eta abadea, eta laneko nagusia, eta bezero hau edo hori, eta ...
...Agian, lan-esparruko bidegabekeriari (zenbat txantxullo, zenbat txapuza, zenbat txarrikume eta zenbat txapapote!) aurre egiteak onura egingo digu.
...Beharbada beldurra uxatu, duin jokatu eta aurre egiten badugu, kaleratuko gaituzte, baina ziur, patuaren sari, lanpostu hobea daukagula zain. Dena dela, Tom Petersek-eta aspalditxo esana digute. Gaurko lan munduak inoiz baino aukera handiagoa ematen dio banakako beharginari.
...Agian, 0 eta 3 urte arteko gelak eskaini-eskatu ordez, umeen bizitzako lehenengo urteetan lan kontratuetaik askatzeko eskubidea eskaini-eskatu behar genuke.
...Agian bileraz bilera, bazkariz bazkari, aeroportuz aeroportu egiten dugun horri zentzurik aurkitu gabe ibili behar hau ez da lana, ez da onuragarri, ez da aberasgarri.
...Agian soldata txikiagoa, materia gutxiago eta adimen handiagoa hautaturik, zoriontsuago bizi. Nork jakin?
Juliete Schor-ek (The Overworked American liburuan) alarma piztu zuen. Behar-ordu gehiegi estatu batuarrek. Eta guk, diot nik. Asko eta asko, gure gogoaren aurka eta biziaren aurka. Hau erokeria ! Han urriaren 24a NORK BERE DENBORA BERRESKURATZEKO EGUNA ospatzeari ekin diote askok. Beharrean, despertsonalizatzen gaituen horretan bizia joaten ari zaigula-eta kexu dira, arduraz.

3. BIZI !
Michael Fogler-ek Unjobbing (beharrari utzi) liburua idatzi du. Jende arrunt askok egin du aukera horixe munduko bazterretan azken hamarkadetan. Horrantza jo dezakegu guk ere bai. Batzutan diru truke eta beste batzutan doan, baina egingo dugun lana geure barruak eskatuta edo onartuta. Utopikoa dirudi gaur langile arruntarentzat, baina gogoratu, utopiari buruz:
- Pauso bat ematen dut berarengana hurbilduz, eta pauso bat emango du berak urrunago. Beste pauso bat nik, eta beste bat berak, ihesi...zertarako, bada, utopia?

- Horrexetarako, bada, ibiltzeko!

Gaur beharrean jarraitzen dut nik neuk, laster (2 urte barru? 5? 10?), beldurretatik eta menpekokerietatik askatu eta nire benetako lane(t)an, lan bokazionale(t)an ibiliko naizela amestuta.
Arbolen antzekoa izateko. Sorkuntza lanera askatzeko. Hazten. Ematen. Inor/ezer kaltetu gabe. Horrelakoak ginen jaio ginenean, ez da? Osasunaren jabe eta geure gaitasunak deskubrituz, garatuz eta ingurukoei eskainiz.
Gorbatako korapiloa askatuta. Ordulariarengandik aske. Tituluetatik aske. Nominatik aske. Oporretatik aske eta astelehenetatik aske.
Zertan? Ibaizabal garbitzen eta bertan Big Jump antolatzen; bizikletaz mandatuak egiten; bertsotan; permakultura sustatzen; web-orriak diseinatzen eta irratian albiste-emaile; clown gisa eta nagusiei ipuinak kontatzen; ikasten, ikertzen, ikasten laguntzen; ogia egiten; Bilbaora etorritakoei bertako txokoak erakusten; sagarrondoak (...mmm... gaztainondoak ere bai!) landatzen eta auzokoentzat bazkaria prestatzen, eta harrikoa egiten, eta ... zentzua daukan edozer horrexetan.
Buruko lana eta eskuzkoa. Gorputz eta arimaz. Hamaika aukera dago!
Aisia askagarri eta profesio(ar)en aberasgarri. Lagunekin, maiteekin, umeekin, zaharrekin eta auzokideekin egoteko... eta arteari emoteko: pintura, musika, jolasa... Belar gainean etzan eta zeru zabalera begiratzeko, sakon arnastuz... Konturatzen? Dena da bateragarri, dena zabaltzen da, erradialki, elkar jan beharrik gabe. Emankorra da geroa. Egunero lan eta egunero aisi. Inoiz, oso agian, bidaia luuuuuuze bat...
Mundu hobea egiteko lanean. Aske eta erantzule. Alai. Irrifartsu. Bizi !