Berandu dabiltza

...kantu puska...eta karaoke polita Gabi de la Mazak paratua!

Tirantezko galtza laranjak TrucaRec-eko lagunen eskutik egin bidean ditugun honetan (baietz, gabonaurreko Kafe Antzokiko urterokorako, baietz :-)!

Eguneroko bizitza ikatza bezelako
labexomorroak ixurtzen hasi zenean etengabe,
Otis Redding badiako kaian eseri zen
aideplano eroriei kantatzeko blues band.
Sagarraren loreek su hartu zuten eta
niri odola hasi zitzaidan sudurretatik
baldosa zuriko komuna publikotan
pornografia irakurtzen ari nintzenean love,
eta alkimistek txosten bat eman zuten
argitara plusvaliaren alde azalduz erabat,
Errestaurantetik bi homosexsual bota
zituzten arrazoi komertzialak zirela merio.
Bakardadearen milaka kopia inprimatu
ziren neguaren ateetan geundelako,
ene osaba batek postale bat izkribatu
zidan Stop ene urtebetetzea zelako Stop iloba,
eta bide batez bere seguruetxea kontseilatu
nahi zadalako inoiz ez da jakiten noiz,
ene maitaleak telefonoa jo zidan kobre
zaporeko maitasunez gauaren erdian.
Eguneroko bizitza ikatza bezelako
labexomorroak ixurtzen hasi zenean etengabe.
Gero ernari gelditu zen ibaia zerutik
atergabe jautsitako espermaz, alkandora
arrosak loredunak xuriak gorribeltzak
multikoloreak herrestan eramanez,
eta aste berean ni puta bat naiz oihuztatu
zuen ezkontza despedidan Champagne,
Olivetti batetan bere lehen gutun erromantikoa
osatu zuen sekretaria lotsatiak;
eskaleek halere trapuzko etxeak jaso
zituzten zubipean mitxeletak babesteko,
kattagorriek supermerkatuari eraso zioten
altxa besoak non da intxaur kaxafuertea.
Negua heldu zen azkenez eta
antzerrek V bat egin zuten zeruan,
dispensariotan antitristezi pildorak
banatu zituzten ugari
Ejiptoko zazpi izurriteren edizio
ugaldu eta korrejitua usmatuz;
zoriona gramoka saltzeari ekin
zioten trono aingeru eta kerubinek;
beturte kardinek igotze desnaturala
eman zuten Erromako boltsan,
mila liburu erregalatu zituzten bankuek
Ora eta bereziki Labora lemapean;
baina alferrik zen berandu dabiltza
ez dute ezer lortuko honez gero,
palazioak lurrera doaz gartzeletako
ormak pitzatu egin dira, 
eta gu libro gabiltza kaleetan tirantezko
galtza laranjaz jantzirik, libro libro.

...eta orain, epelago begitratuta kontuari/kantuari,...
"baina alferrik zen (haiek) berandu dabiltza,... eta gu libro-libro,..."
(azken lerroetan) muturbikeria ote hau be?

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz

Izarren hautsa

Azken aldian Berbaz saioan sarri agertu jakun kantua, Izarren Hautsa.

Zerbait aldatzen ari ote da inguruan?

Bitxi-bitxi ematen du kantak, publizidade barik aurkitu dugun bideo bakarrean, Zuriñe Hidalgok kantua emanda, Lete, Laboa edo Ruperren aldean eta hitzen aldean, baietz?

Hitzak Kantuan.net-etik jasoak

Izarren hautsa egun batean
bilakatu zen bizigai,
Hauts hartatikan uste gabean
noizbait ginaden gu ernai.
Eta horrela bizitzen gera
sortuz ta sortuz gure aukera
atsedenik hartu gabe:
Lana eginaz goaz aurrera
kate horretan denok batera
gogorki loturik gaude.
Gizonak badu inguru latz bat
menperatzeko premia,
borroka hortan bizi da eta
hori du bere egia.
Ekin ta ekin bilatzen ditu
saiatze hortan ezin gelditu;
Jakintza eta argia:
Bide ilunak nekez aurkitu,
lege berriak noizbait erditu,
hortan jokatuz bizia.
Gizonen lana jakintza dugu;
ezagutuz aldatzea;
naturarekin bat izan eta
harremanetan sartzea.
Eta indarrak ongi errotuz
gure sustraiak lurrari lotuz
bertatikan irautea:
Ezaren gudaz baietza sortuz
ukazioa legetzat hartuz
beti aurrera joatea.
Ez dadukanak ongi ohi daki
edukitzea zein den ona,
bere premiak bete nahian
beti bizi da gizona.
Gu ere zerbait bagera eta
gauden tokitik hemendik bertan
saia gaitezen ikusten;
amets eroak baztertuz bertan
sasi zikinak behingoz erreta
bide on bat aukeratzen.
Gizonen lana jakintza dugu;
ezagutuz aldatzea;
naturarekin bat izan eta
harremanetan sartzea.
Gu sortu ginen enbor beretik
sortuko dira besteak
borroka hortan iraungo duten
zuhaitz ardazka gazteak.
Beren aukeran jabe eraikiz
ta erortzean berriro jaikiz
ibiltzen joanen direnak:
gertakizunen indar ta argiz
gure ametsa arrazoi garbiz
egiztatuko dutenak.
Gu sortu ginen enbor beretik
sortuko dira besteak
borroka hortan iraungo duten
zuhaitz ardazka gazteak. (3 aldiz)
Eta ametsa bilakaturik
egiaren antziduri
Herri zahar batek bide berritik
ekingo dio urduri;
Guztien lana guztien esku
jasoko dute sendo ta prestu
beren bizitzen edergai;
Diru zakarrak bihotzik eztu,
lotuko dute gogor ta hestu
haz ez dadin gizonen gain.

@Eleder_BuM    
www.burumapak.blogspot.com  www.flowandshow.blogspot.com  
http://in-fluyendo.blogspot.com.es
www.bilbohiria.com/irratsaioak/berbaz